रञ्जन अधिकारी / एचकेनेपाल डट कम – वैशाख १२ गते गएको विनाशकारी भूकम्पबाट ज्यान गुमाएका खेलकुद पत्रकार मञ्च मकवानपुरका अध्यक्ष सुमन भोम्जन र वरिष्ठ भलिबल प्रशिक्षक केशवलाल श्रेष्ठको परिवारका लागि राहत रकम हस्तान्तरण गरिएको छ।
सहारा क्लबका अध्यक्ष वीरभद्र आचार्यले क्लबका तर्फबाट पत्रकार भोम्जनको परिवारका लागि मञ्चले स्थापना गरेको सुमन भोम्जन सहयोग कोषमा १५ हजार ५ सय ५५ रुपैंया नेपाल खेलकुद पत्रकार मञ्चका अध्यक्ष अजय फुयाँललाई हस्तान्तरण गरेका छन्।
यस्तै, पोखराका चर्चित खेलाडीहरु राष्ट्रिय फुटबल खेलाडी अनिल गुरुङ, भलिबल खेलाडीहरु मञ्जु गुरुङ, सिपोरा गुरुङ र परीक्षा गुरुङले भोम्जन परिवारका लागि ३० हजार र श्रेष्ठ परिवारका लागि ३० हजार रुपैंया फुयाँल मार्फत प्रदान गरेका छन्।
सिपोरा अभिनित फिल्म याम्फावती निर्माता थुम्रो ईन्टरनेशनलले पनि पत्रकार भोम्जनको परिवारलाई ११ हजार १ सय ११ रुपैंया प्रदान गरेको छ।
फोटोः सुदर्शन रञ्जित / एचकेनेपाल डट कम
