हङकङमा कोरोनाको चौंथो लहर : थप ८२ जना संक्रमित, डान्स क्लवबाट संक्रमित हुनेको संख्या ५५२ पुग्यो…

नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

न्युज डेस्क / एचकेनेपाल डट कम –

हङकङ, १ डिसेम्बर। हङकङमा मंगलवार थप ८२ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ७२ स्थानीय र १० जना आयातित रहेका छन्। यससंगै, हङकङमा कोरोना संक्रमितको संख्या ६,३९७ पुगेको छ।

थप ३२ जना डान्स क्लवबाट संक्रमित भएका छन्। यससंगै यस ग्रुपबाट संक्रमित हुनेको संख्या ५५२ पुगेको छ।

४९ जना स्थानीय संक्रमितहरु पुराना केससंग जोडिएका छन् भने २३ जना संक्रमितको संक्रमणको स्रोत खुल्न सकेको छैन।

आज पनि थप ६० भन्दा बढी प्रारम्भिक केसहरू थपिएका छन्।

आयातित संक्रमितहरूमा ब्राजिल, इन्डोनेसिया, पाकिस्तान, मेक्सिको, रुस, युएस र पोल्याण्डबाट हङकङ फर्केका रहेका छन्।

केन्द्रका अनुसार ५,३४४ जना कोरोना संक्रमित निको भएर अस्पतालबाट डिस्चार्ज भएका छन्। ७५२ जनाको उपचार भइरहेको छ। ११ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०९ जनाको ज्यान गइसकेको छ।

यसअघिका अपडेटको लागि तल हेर्नुहोला…

हङकङमा कोरोनाको चौंथो लहर : थप ७६ संक्रमित, बुधवारदेखि सरकारी काम घरबाटै, रेष्टुरेण्ट १० बजे बन्द, काराओकेहरु पूर्णता बन्द, दुई जनाभन्दा बढी संख्यामा भेला हुन नपाइने…

हङकङ, ३० नोभेम्बर। हङकङकी कार्यकारी प्रमुख क्यारी लामले सोमवार बोल्दै हङकङमा कोरोना संक्रमित संख्या बढ्दै गएपछि आपतकालिन र अत्यावश्यक सार्वजनिक सेवाहरू प्रदान गर्ने बाहेक अन्य सबै सरकारी कर्मचारीहरूले डिसेम्बर २ बुधवारदेखि घरबाट काम गर्ने बताएकी छन्।

कोरोना महामारीको गम्भीरतालाई ध्यानमा राखी यो कदम चालिएको लामले बताएकी छन्। समुदायमा भाइरस फैलिनबाट रोक्नको लागि व्यक्ति र सामाजिक सम्पर्कको प्रवाहलाई घटाउनका लागि यो कदम चालिएको हो।

यो नियम डिसेम्बर १५ तारिखसम्म दुई हप्ताका लागि लागू गरिनेछ।

सरकारी भवनहरू वा कार्यालयहरूमा प्रवेश गर्दा हरबखत सर्जिकल मास्क लगाउनु पर्ने, तापक्रम जाँच्नु पर्ने र संक्रमण नियंत्रण उपायहरूको पालना गर्नु पर्ने जनाएको छ।

त्यस्तै, रेस्टुरेण्टहरु राति १० बजे बन्द हुने छ। एउटा टेबलमा २ जनामात्र बस्न पाउंने छन्। काराओकेहरु पूर्णता बन्द हुने छन् भने जिम, ब्यूटी पार्लर र मसाज सेन्टरहरू खुला रहन सक्नेछन्।

त्यस्तै, भेला भेटघाट हुने सीमा चार व्यक्तिबाट दुईमा घटाइने भएको छ।

हङकङमा कोरोनाको चौंथो लहर : एकै दिन थपिए ११५ संक्रमित, डान्स क्लवबाट संक्रमित हुनेको संख्या ४७९ पुग्यो…

हङकङ, २९ नोभेम्बर। हङकङमा आइतवार थप ११५ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

अगष्ट १ पछिकै यो सबैभन्दा उच्च संक्रमित संख्या हो। केन्द्रका अनुसार संक्रमितहरुमा १०९ स्थानीय र ६ जना आयातित रहेका छन्। यससंगै, हङकङमा कोरोना संक्रमितको संख्या ६,२३९ पुगेको छ।

थप ६२ जना डान्स क्लवबाट संक्रमित भएका छन्। यससंगै यस ग्रुपबाट संक्रमित हुनेको संख्या ४७९ पुगेको छ।

८५ जना स्थानीय संक्रमितहरुमध्ये पुराना डान्स क्लब र ३ रेष्टुरेण्टका केससंग जोडिएका छन् भने २४ जना संक्रमितको संक्रमणको स्रोत खुल्न सकेको छैन।

केन्द्रका अनुसार ५,३४० जना कोरोना संक्रमित निको भएर अस्पतालबाट डिस्चार्ज भएका छन्। ६४२ जनाको उपचार भइरहेको छ। ११ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०९ जनाको ज्यान गइसकेको छ।


हङकङमा थप ८४ जना कोरोना संक्रमित, डान्स क्लवबाट संक्रमित हुनेको संख्या ४१५ पुग्यो…

हङकङ, २८ नोभेम्बर। हङकङमा शनिवार थप ८४ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ८० स्थानीय र ४ जना आयातित रहेका छन्। यससंगै, हङकङमा कोरोना संक्रमितको संख्या ६,१२४ पुगेको छ।

थप ४७ जना डान्स क्लवबाट संक्रमित भएका छन्। यससंगै यस ग्रुपबाट संक्रमित हुनेको संख्या ४१५ पुगेको छ।

७२ जना स्थानीय संक्रमित पुराना केससंग जोडिएका छन् भने ८ जना संक्रमितको संक्रमणको स्रोत खुल्न सकेको छैन।

आयातित ४ संक्रमितहरु सबै इन्डोनेसियाका घरेलु सहयोगीहरू रहेका छन्।

केन्द्रका अनुसार ५,३२८ जना कोरोना संक्रमित निको भएर अस्पतालबाट डिस्चार्ज भएका छन्। ५६७ जनाको उपचार भइरहेको छ। ७ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।


नेपालबाट आएकासहित हङकङमा थप ९२ जना कोरोना संक्रमित, डान्स क्लवबाट संक्रमितको संख्या ३६७ पुग्यो…

हङकङ, २७ नोभेम्बर। हङकङमा शुक्रवार थप ९२ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ८९ स्थानीय र ३ जना आयातित रहेका छन्। यो तीन महिनाभित्र सबैभन्दा ठूलो आँकडा हो। यससंगै, हङकङमा कोरोना संक्रमितको संख्या ६,०४० पुगेको छ।

५८ जना डान्स क्लवबाट संक्रमित भएका छन्। यससंगै यस ग्रुपबाट संक्रमित हुनेको संख्या ३६७ पुगेको छ।

६२ जना स्थानीय संक्रमित पुराना केससंग जोडिएका छन् भने १७ जना संक्रमितको संक्रमणको स्रोत खुल्न सकेको छैन।

आयातित ३ संक्रमितमध्ये नेपाल, रसिया र ब्राजीलबाट हङकङ आएका रहेका छन्।

केन्द्रका अनुसार ५,३१३ जना कोरोना संक्रमित निको भएर अस्पतालबाट डिस्चार्ज भएका छन्। ४९५ जनाको उपचार भइरहेको छ। ६ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।

हङकङमा थप ८५ जना कोरोना संक्रमित, ६३ जना डान्स क्लवबाट…

हङकङ, २५ नोभेम्बर। हङकङमा बुधवार थप ८५ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ८४ स्थानीय र १ जना आयातित रहेका छन्। यो तीन महिनाभित्र सबैभन्दा ठूलो आँकडा हो। यससंगै, हङकङमा कोरोना संक्रमितको संख्या ५,८६७ पुगेको छ।

आज पनि थप ६० भन्दा बढी प्रारम्भिक केसहरू थपिएका छन्।

६३ जना डान्स क्लवबाट संक्रमित भएका छन्। यससंगै यस ग्रुपबाट संक्रमित हुनेको संख्या २५० पुगेको छ।

६८ जना स्थानीय संक्रमित पुराना केससंग जोडिएका छन् भने १६ जना संक्रमितको संक्रमणको स्रोत खुल्न सकेको छैन।

आयातित १ जना बेलायतबाट हङकङ आएका रहेका छन्।

केन्द्रका अनुसार ५,२९५ जना कोरोना संक्रमित निको भएर अस्पतालबाट डिस्चार्ज भएका छन्। ३४९ जनाको उपचार भइरहेको छ। ७ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।

हङकङमा कोरोनाको चौंथो लहरको आशंका, एकै दिन २६ संक्रमित थपिए..

हङकङ, २० नोभेम्बर। खाद्य तथा स्वास्थ्य सचिव प्रोफेसर सोफिया चानले हङकङमा कोरोना भाइरस (कोभिड-१९) महामारी नयाँ लहरमा प्रवेश गरेको हुन सक्ने बताएकी छन्।

एकै दिन २६ जनामा कोरोना संक्रमणको पुष्टि र ४० भन्दा बढी प्रारम्भिक केसहरू देखिएपछि हङकङमा कोरोनाको चौंथो लहरको आशंका गरिएको हो।

प्रोफेसर सोफिया चानले शुक्रवारको मिडिया सम्मेलनमा यसको जवाफमा सरकारले महामारीविरोधी उपायहरू कडाइका साथ जारी राख्ने बताएकी छन्।

केन्द्रका अनुसार २१ जना स्थानीय र ५ जना आयातित संक्रमित थपिएका छन्।

हङकङमा शुक्रवार थप २६ जनामा कोरोना संक्रमणको पुष्टि भएको र ४० भन्दा बढी प्रारम्भिक केसहरू देखिएको स्वास्थ्य संरक्षण केन्द्रले जनाएको छ।

संक्रमितमध्ये १२ स्थानीय पुराना केससंग जोडिएका छन् भने ९ जनाको संक्रमणको स्रोत खुल्न सकेको छैन।

केन्द्रका अनुसार ५ जना आयातितहरुमा पाकिस्तान, रोमानिया, भारतबाट २ बिरामी र अमेरिकाका आएका एक पायलट रहेका छन्।

यससंगै, हङकङमा कोरोना संक्रमितको संख्या ५,५१८ पुगेको छ।

केन्द्रका अनुसार ५,२३९ जना कोरोना संक्रमित निको भएर अस्पतालबाट डिस्चार्ज भएका छन्। ११५ जनाको उपचार भइरहेको छ। ८ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।

नेपालबाट आएका १ वर्षीय बालकसहित थप ८ जनामा कोरोना संक्रमणको पुष्टि…

हङकङ, १६ नोभेम्बर। हङकङमा सोमवार थप ८ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा सबै ८ जना आयातित रहेका छन्। यससंगै, हङकङमा कोरोना संक्रमितको संख्या ५,४६७ पुगेको छ।

आयातित संक्रमितहरुमा नेपालबाट हङकङ आएका १ वर्षीय बालकसहित फिलिपिन्स, पाकिस्तान, स्पेन, अमेरिका, बंगलादेश र भारतबाट आएका रहेका छन्।

केन्द्रका अनुसार ५,१९८ जना कोरोना संक्रमित निको भएर अस्पतालबाट डिस्चार्ज भएका छन्। १२३ जनाको उपचार भइरहेको छ। ७ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।

हङकङमा थप १४ जनामा कोरोना संक्रमणको पुष्टि…

हङकङ, १५ नोभेम्बर। हङकङमा आइतवार थप १४ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ५ जना स्थानीय र ९ जना आयातित रहेका छन्। यससंगै, हङकङमा कोरोना संक्रमितको संख्या ५,४५९ पुगेको छ।

आयातित संक्रमितहरुमा पोल्याण्ड, फिलिपिन्स, हंगेरी, बंगलादेश, रसिया, जर्मनी र इन्डोनेशियाबाट हङकङ आएका रहेका छन्।

स्थानीय एक संक्रमितको संक्रमणको स्रोत खुलेको छैन। अन्य पुराना केससंग जोडिएका छन्।

केन्द्रका अनुसार ५,१९४ जना कोरोना संक्रमित निको भएर अस्पतालबाट डिस्चार्ज भएका छन्। ११३ जनाको उपचार भइरहेको छ। ७ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।

हङकङमा थप २३ जनामा कोरोना संक्रमणको पुष्टि…

हङकङ, १२ नोभेम्बर। हङकङमा विहीवार थप २३ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ७ जना स्थानीय र १६ जना आयातित रहेका छन्। यससंगै, हङकङमा कोरोना संक्रमितको संख्या ५,४३१ पुगेको छ।

आयातित संक्रमितहरुमा नेपालबाट आएका ६ जनासहित भारत, फिलिपिन्स, टर्की, अमेरिका, बेलायत, स्वीडेन र जर्मनीबाट हङकङ आएका रहेका छन्।

६ स्थानीय संक्रमितमध्ये ४ जना ट्याक्सी र बसका चालक रहेका छन्।

केन्द्रका अनुसार ५,१७० जना कोरोना संक्रमित निको भएर अस्पतालबाट डिस्चार्ज भएका छन्। १०० जनाको उपचार भइरहेको छ। ६ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।

हङकङमा थप १८ जनामा कोरोना संक्रमणको पुष्टि…

हङकङ, ११ नोभेम्बर। हङकङमा बुधवार थप १८ जनामा कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ३ जना स्थानीय र १५ जना आयातित रहेका छन्। यससंगै, हङकङमा कोरोना संक्रमितको संख्या ५,४०८ पुगेको छ।

आयातित संक्रमितहरुमा नेपालबाट आएका ७ जनासहित भारत, हल्याण्ड, अमेरिका, बेलायत, मोरक्को र इन्डोनेशियाबाट हङकङ आएका रहेका छन्।

केन्द्रका अनुसार ५,१५९ जना कोरोना संक्रमित निको भएर अस्पतालबाट डिस्चार्ज भएका छन्। ९३ जनाको उपचार भइरहेको छ। ६ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०८ जनाको ज्यान गइसकेको छ।

हङकङमा थप १० जनामा कोरोना संक्रमणको पुष्टि…

हङकङ, ८ नोभेम्बर। हङकङमा आइतवार थप १० जनामा मात्र कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितहरुमा ३ स्थानीय र ७ जना आयातित रहेका छन्। यससंगै, हङकङमा कोरोना संक्रमितको संख्या ५,३७५ पुगेको छ।

आयातित संक्रमितमा फ्रान्स, सर्बिया, केन्या, इन्डोनेशिया र फिलिपिन्सबाट हङकङ आएका रहेका छन्।

स्थानीय संक्रमितमा क्रिस्टमन्ट भिल्ला, डिस्कवरी बे बस्ने ३८ वर्षीया महिला, युन लङ बस्ने ४२ वर्षीया महिला र ताइ पो बस्ने ५० वर्षीय पुरुष रहेका छन्।

केन्द्रका अनुसार ५,१४४ जना कोरोना संक्रमित निको भएर अस्पतालबाट डिस्चार्ज भएका छन्। ८४ जनाको उपचार भइरहेको छ। ७ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा १०७ जनाको ज्यान गइसकेको छ।

हङकङमा २ जनालाई मात्र कोरोना संक्रमणको पुष्टि, दुबै आयातित…

हङकङ, २८ अक्टोबर। हङकङमा बुधवार दुई जनामा मात्र ​कोरोना संक्रमणको पुष्टि भएको छ। आयातित २ जनामा ​कोरोना संक्रमणको पुष्टि भएको छ। आयातित संक्रमितहरुमा इन्डोनेसिया र भारतबाट हङकङ आएका रहेका छन्।

नेपालबाट हङकङ आएका ९ सहित ११ जनामा कोरोना संक्रमणको पुष्टि…

हङकङ, २२ अक्टोबर। हङकङमा विहीवार थप ११ जनामा ​कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार १ स्थानीय र १० आयातित गरी ११ जनामा ​कोरोना संक्रमणको पुष्टि भएको छ। यससंगै, हङकङमा कोरोना संक्रमितको संख्या ५,२८१ पुगेको छ।

आयातित संक्रमितहरुमा नेपालबाट हङकङ आएका ९ जनामा कोरोना संक्रमणको पुष्टि भएको केन्द्रले जनाएको छ। यसअघि, नेपालबाट हङकङ आएका यात्रुसंगै कोरोना संक्रमित भित्रिएपछि नेपालबाट हङकङ आउने सबै उडानमाथि १४ दिनको लागि प्रतिबन्ध लगाएको थियो। प्रतिबन्ध खुलेपछि शुरु भएको नेपाल एयरलाइन्स आरए ४०९९ को उडानबाट आएका ९ जना यात्रुमा कोरोना संक्रमण देखिएको हो। अर्का आयातित एक जना पाकिस्तानबाट हङकङ आएका रहेका छन्।

हङकङमा थप १७ जनामा कोरोना संक्रमणको पुष्टि, एयर इण्डिया र एयर विस्तारालाई हङकङमा प्रतिबन्ध…

हङकङ, १७ अक्टोबर। हङकङमा शनिवार थप १७ जनामा ​कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार संक्रमितमध्ये सबै १७ जना आयातित रहेका छन्। यससंगै, हङकङमा कोरोना संक्रमितको संख्या ५,२३८ पुगेको छ।

आयातित संक्रमितहरुमा ११ जना भारत, एक/एक जना फिलिपिन्स, पाकिस्तान, मोरक्को र फ्रान्सबाट हङकङ आएका रहेका छन्।

बिहीबार १० जना संक्रमित यात्रुलाई ल्याएपछि दिल्लीबाट एयर इण्डिया र चेन्नईबाट एयर विस्ताराले सञ्चालन गरेको उडानलाई शनिबारदेखि १४ दिनको लागि प्रतिबन्धित गरिएको छ।


नेपालबाट आएका एकसहित हङकङमा ७ जनामा कोरोना संक्रमणको पुष्टि…

हङकङ, १६ अक्टोबर। हङकङमा शुक्रवार थप ७ जनामा ​कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार १ स्थानीय र ६ आयातित गरी ७ जनामा ​कोरोना संक्रमणको पुष्टि भएको छ। यससंगै, हङकङमा कोरोना संक्रमितको संख्या ५,२२१ पुगेको छ।

एकमात्र स्थानीय केसमा चुन क्वान ओमा बस्ने २८ बर्षीय पुरुष रहेका छन्। उनी हङकङ लेइ चुन युक हाउसको मानसिक स्वास्थ्य संस्थाका सामाजिक कार्यकर्ता हुन्।

आयातित संक्रमितहरुमा एक जना नेपाल, एक जना माल्टा र चार जना भारतबाट हङकङ आएका रहेका छन्।


नेपालबाट आएका २ जनासहित हङकङमा १२ जनामा कोरोना संक्रमणको पुष्टि…

हङकङ, १५ अक्टोबर। हङकङमा विहीवार थप १२ जनामा ​कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार ४ स्थानीय र ८ आयातित गरी १२ जनामा ​कोरोना संक्रमणको पुष्टि भएको छ। स्थानीय दुई संक्रमित पुराना केशसंग जोडिएका छन् भने दुई जनाको संक्रमणको स्रोत अज्ञात रहेको छ।

आयातित संक्रमितहरुमा दुई जना नेपालबाट हङकङ आएका रहेका छन्। त्यस्तै, दुई जना इन्डोनेसियाा, फ्रान्स र फिलिपिन्सबाट हङकङ आएका रहेका छन्।

हङकङमा टाईफूनपछि कोरोना संक्रमितको संख्या शून्य…

हङकङ, १४ अक्टोबर। हिजोको टाईफून सिग्नल नं. ८ सामुद्रिक आँधीका कारण सर्वसाधारणको आवतजावत र भीडभाडमा कमी भएपछि बुधवार हङकङमा कोरोना संक्रमितको संख्या शून्यमा झरेको छ। कोरोना संक्रमणको तेश्रो लहरपछि कोरोना संक्रमितको संख्या शून्यमा झरेको यो पहिलो पटक हो।

कोरोना संक्रमितको संख्यामा शून्य झरेकोले स्वास्थ्य संरक्षण केन्द्रले बुधवारको नियमित प्रेस ब्रिफिङ स्थगित गरेको छ।

हङकङमा नेपालबाट आएका १ सहित थप ७ जनामा कोरोना संक्रमणको पुष्टि…

हङकङ, ११ अक्टोबर। हङकङमा आइतवार ७ जनामा ​कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार ४ स्थानीय र ३ आयातित गरी ७ जनामा ​कोरोना संक्रमणको पुष्टि भएको छ।

आयातित ३ जना संक्रमितहरुमा फिलिपिन्स, नेदरल्याण्ड र नेपालबाट हङकङ आएका रहेका छन्।

लगातार कोरोना संक्रमित भित्रिएपछि नेपालबाट हङकङ आउन प्रतिबन्ध…

हङकङ, ५ अक्टोबर। नेपालबाट आएका यात्रुसंगै कोरोना भाइरसका संक्रमितहरु लगातार भित्रिएपछि हङकङ सरकारले हङकङको लागि नेपालबाट हुने सबै उडानहरुमाथि प्रतिबन्ध लगाएको छ।

पछिल्लो समय नेपालबाट आएकाहरुमा पटक पटक कोरोना संक्रमणको पुष्टि भएपछि सरकारले दुई हप्ताको लागि नेपालबाट हुने उडानमा प्रतिबन्ध लगाएको हो।

नेपालबाट हुने सबै उडानहरूमाथि अक्टोबार ४ देखि १७ तारिखसम्म प्रतिबन्ध लगाएको स्वास्थ्य संरक्षण केन्द्रले जनाएको छ।

हङकङमा नेपालबाट फर्केका १ जनासहित ५ जनामा कोरोना संक्रमणको पुष्टि…

हङकङ, ४ अक्टोबर। हङकङमा नेपालबाट फर्केका एक जनासहित ५ जनामा ​कोरोना संक्रमणको पुष्टि भएको स्वास्थ्य संरक्षण केन्द्रले आइतवार जनाएको छ।

केन्द्रका अनुसार २ स्थानीय र ३ आयातित गरी ५ जनामा कोरोना संक्रमणको पुष्टि भएको छ। आयातित संक्रमितहरुमा ७३ वर्षका नेपालबाट आएका एक जना, कार्गो विमानको रूसी चालक दलका एक सदस्यलगायत हङकङ फर्केका तीन जना रहेका छन्।

हङकङमा १ जनामा ​​मात्र कोरोना संक्रमणको पुष्टि…

हङकङ, २६ सेप्टेम्बर। हङकङमा शनिवार १ जनामा ​मात्र ​कोरोना संक्रमणको पुष्टि भएको स्वास्थ्य संरक्षण केन्द्रले जनाएको छ।

केन्द्रका अनुसार एक जना आयातित संक्रमित रहेका छन्। यससंगै, हङकङमा कोरोना संक्रमित विरामीको संख्या ५,०६० पुगेको छ। यस पटक स्थानीय संक्रमित थपिएको छैन। आयातित संक्रमित बहराइनबाट हङकङ आएका ४२ वर्षीय पुरुष रहेका छन्।

नेपालबाट हङकङ फर्किएका ७ जनामा ​​कोरोना संक्रमणको पुष्टि…

हङकङ, २० सेप्टेम्बर। नेपालबाट हङकङ फर्किएका ७ जनामा ​​कोरोना संक्रमणको पुष्टि भएको स्वास्थ्य संरक्षण केन्द्रले आइतवार जनाएको छ।

केन्द्रका अनुसार नेपालबाट हङकङ फर्किएका ७ जनासहित थप २३ जनामा संक्रमणको पुष्टि भएको छ। सेप्टेम्बर ९ तारिख आरए ४०९ विमानमा नेपालबाट हङकङ आएकामध्ये १४, १९, ४१, ४३, ५१, ७१ र ७२ वर्ष उमेरका सात जनामा कोरोना संक्रमणको पुष्टि भएको हो।

४ स्थानीय र १९ जना आयातित संक्रमित रहेका छन्। आयातित संक्रमितमध्ये नेपालबाट हङकङ फर्किएका ७ जना, फिलिपिन्सबाट फर्किएका ३ जना, भारतबाट फर्किएका ८ जना र स्वीडेनबाट हङकङ फर्केका एक जना रहेका छन्।

हङकङमा स्थानीय कोरोना संक्रमितको संख्या शून्य, आयातित ४…

हङकङ, १५ सेप्टेम्बर। हङकङमा मंगलवार स्थानीय कोरोना संक्रमित विरामी नथपिएको स्वास्थ्य संरक्षण केन्द्रले जनाएको छ।

कोरोना संक्रमणको तेश्रो लहरपछि हङकङमा संक्रमितको संख्या शून्यमा झरेको यो पहिलो पटक हो।

हङकङमा थप १४ जनामा कोरोना संक्रमणको पुष्टि…

हङकङ, १४ सेप्टेम्बर। हङकङमा थप १४ जनामा कोरोना संक्रमणको पुष्टि भएको स्वास्थ्य संरक्षण केन्द्रले सोमवार जनाएको छ।

स्वास्थ्य संरक्षण केन्द्रकी डा. चुवाङ शुक वानले न्युज ब्रिफिङमा १२ स्थानीय र २ आयातित गरी १४ जनामा कोरोना संक्रमणको पुष्टि भएको बताएकी छन्। आयातित संक्रमितमध्ये फिलिपिन्सबाट हङकङ आएका एक जना घरेलु सहयोगी र भारतबाट आएका एक जना रहेका छन्।

यससंगै हङकङमा कोरोना संक्रमितको संख्या ४,९७२ पुगेको छ।

४,६३५ जना कोरोना संक्रमित निको भएर अस्पतालबाट डिस्चार्ज भएका छन्। १९४ जनाको उपचार भइरहेको छ। २१ जना कोरोनाका विरामीको अवस्था भने ‘क्रिटिकल’ रहेको जनाइएको छ। कोरोनाबाट हङकङमा मृत्यु हुनेको संख्या १०१ पुगेको छ।

फाइल तस्विर








Comments

comments

Trending Now : कोरोनाबाट नेपालमा थप २१ जनाको मृत्यु…
33351