कोरोना सङ्क्रमणको हटस्पट बन्दै वीरगञ्ज

नेपाल तथा विश्वभरको कोविड्-१९ को आंकडा

नेपाल

  • परीक्षण संख्या
  • संक्रमित संख्या
  • मृतक संख्या
  • निको भएको

विश्व

  • संक्रमित संख्या
  • मृतक संख्या
  • निको भएको
  • संक्रमित भएको देश

वीरगञ्ज, कोरोना सङ्क्रमणको हटस्पटका रूपमा वीगरञ्ज देखा परेको छ। विगत केही दिनदेखि प्रदेश २ को बारा, पर्सा, सप्तरी लगायतका जिल्लामा दैनिक ठूलो सङ्ख्यामा सङ्क्रमित व्यक्ति फेला पर्न थालेका छन्।

बुधबार पर्सामा दुई जनाको मृत्यु हुनुका साथै ११६ जना नयाँ कोरोना सङ्क्रमित थपिए। यीमध्ये अधिकांश वीरगञ्जका छन्। योसँगै पर्सामा सङ्क्रमितको सङ्ख्या ७३० पुगेको छ भने सङ्क्रमणबाट मृत्यु हुनेको सङ्ख्या १७ पुगेको छ।

फाइल फोटो

यस्तै बारामा १७ र महोत्तरीमा १४ जना सङ्क्रमित थपिएका छन् । बढ्दो सङ्क्रमण र समुदाय स्तरमै सङ्क्रमण देखिन थालेपछि वीरगञ्ज महानगर लगायत धेरै स्थानीय तहले निषेधाज्ञा जारी गरेका छन् । महोत्तरी जिल्लाको सदरमुकाम जलेश्वर र महोत्तरी गाउँपालिकामा लगाइएको निषेधाज्ञाको अवधि बढाइएको छ।

पर्सामा कोरोनाले थप दुई जनाको मृत्यु भएको छ । उपचार गराइरहेका वीरगञ्ज महानगरपालिका–१५ का ४६ वर्षीय सङ्क्रमित पुरुषको बुधबार बिहान मृत्यु भएको हो । यसैगरी झाडापखाला लागेर सोमबार मृत्यु भएकी पर्साकी एक १८ वर्षीया युवतीमा मृत्युपश्चात् गरिएको स्वाब परीक्षणमा कोरोना सङ्क्रमण पुष्टि भएको छ। यो समाचार गोरखापत्र दैनिकमा छ।





Comments

comments

Trending Now : राहदानीमा संकटको संकेत
37930