महाधिवेशनमा सहभागी ३१ सय ८२ प्रतिनिधिका लागि एक छाकमा १५ खसी, पाँच सय किलो माछा, पाँच सय किलो कुखुरा, २० क्विन्टल तरकारी, पाँच सय किलो चामल पाक्ने गरेको छ।
खानापछिको डेजर्टका लागि नौ हजारवटा रसबरी र ६ सय लिटर दही खपत हुन्छ । खाना खुवाउने जिम्मा दिव्यश्वरी पार्टी प्यालेसले लिएको छ।
नास्ताो लागि उसिनेको अन्डा एउटा, पुरी–तरकारी, जेरी, चिया वा कफीको व्यवस्था छ। नास्ता दैनिक फरक–फरक छ । स्यान्डविज, हलुवा तथा छोलाभटुरा पनि एक–एक दिन राखिने मास्टर सेफ गोपाल सिंहले बताए।
खाना ननभेज खानामा तीन प्रकारको मासु (खसी, कुखुरा र माछा) छ । दुईथरी भेज तरकारी, दाल, भात, नान रोटी, डेजर्ट र सलाद पनि छ । ‘हलाल’ गरिएको मासु पनि छ।
भेज खानाको छुट्टै व्यवस्था छ । माछामासुबाहेक थप दुई भेज तरकारी थपिएको छ। डाइबेटिजका बिरामीका लागि पनि छुट्टै खानाको व्यवस्था छ।
डेजर्टमा प्रतिव्यक्ति दही र दुई रसबरी रहेको खबर आजको नयाँ पत्रिका दैनिकमा छ।
