काठमाडौंः उपप्रधान एवं परराष्ट्रमन्त्री कमल थापा एसिया कोअपरेसन डाइलग (एसिडी)को बैठकमा सहभागी हुन बुधबार बैंकक लागेका छन्।
एसिडीको बैठक अध्यक्षता गर्ने थाइल्यान्डका विदेशमन्त्री डोन प्रमुद्दिनाइको निमन्त्रणामा उनी त्यसतर्फ गएको खबर नयाँपत्रिका दैनिकमा छ।
एसिडीको १४औँ बैठक बुधबारबाट सुरु भएको छ। बिहीबार परराष्ट्रमन्त्री थापाले बैठकलाई सम्बोधन गर्नेछन्। थापासँग ६ सदस्यीय प्रतिनिधिमण्डल बैठकमा सहभागी हुँदै छ। बैठकबाट नेपालले एसिडीको सदस्यता पाउने निश्चित भएको परराष्ट्र मन्त्रालयले जनाएको छ। नेपाल ३४औँ सदस्य राष्ट्र बन्नेछ।
