विश्व क्रिकेट लिग च्याम्पियसिप क्रिकेट अन्तर्गत शनिवार भएको खेलमा नामिबियाविरुद्ध नेपालले शानदार जीत हासिल गरेको छ।
काठमाडौंको कीर्तिपुरस्थित त्रिवि क्रिकेट मैदानमा सम्पन्न खेलमा नेपालले नामिबियालाई ५ विकेटले पराजित गर्दै पहिलो जित हासिल गरेको हो।
शरद भेषावकर र विनोद भण्डारीले उत्कृष्ट साझेदारी गरेसंगै नेपालले एक सय ९६ रनको चुनौती ४७ ओभर १ बलमा ५ विकेट गुमाएर पूरा गर्यो।
प्रत्यक्ष प्रसारणको भिडियो यहाँ हेर्नुहोस्
नेपालका लागि शरद भेषवाकरले ९९ बलमा नटआउट ५० तथा विनोद भण्डारीले ४९ बलमा नटआउट ४० रन बनाए।
कप्तान पारस खड्का र ज्ञानेन्द्र मल्लले समान २१, नरेश बुढाएरले १६, राजेश पुलामीले ९, राजु रिजालले ६ रन बनाए। नामिबियाका सारेल बर्गर र गेरी साइमनले समान दुई दुई विकेट लिए।
टस जितेर पहिले ब्याटिङ गरेको नामिवियाले निर्धारित ५० ओभरमा ९ विकेटको क्षतिमा एक सय ९५ रन बनाएको थियो।
यो जितसँगै नेपालको विश्वकप छनौट खेल्ने सम्भावना कायम भएको छ।
