काठमाडौंको तारकेश्वरमा खोलाले बगाएर बालक बेपत्ता

काठमाडौं, काठमाडौंको तारकेश्वर नगरपालिका–४ मा खोलाले बगाउँदा एक बालक बेपत्ता भएका छन्।

मंगलबार साँझ लोलङ तरकारी बजार नजिकै खोलाले बगाउँदा रसुवा घर भएका १२ वर्षीय विमल तामाङ बेपत्ता भएका जिल्ला प्रहरी परिसर काठमाडौंका प्रवक्ता एवं प्रहरी उपरीक्षक नवराज अधिकारीले जानकारी दिए।

साँझ ६ बजेतिर खोलाले बगाउँदा तामाङ बेपत्ता भएका र उनको खोजीकार्य जारी रहेको प्रहरीले जनाएको छ। रासस