रामेछाप, रामेछाप जिल्ला कारागारमा कैदीबन्दीले गेट तोडेर भाग्ने प्रयास गर्दा नेपाली सेनाले गोली चलाएको छ। बिहीबार बिहान भएको घटनामा गोली लागेर तीन कैदीको मृत्यु भएको छ भने १५ जना घाइते भएका छन्।
घाइतेको रामेछाप अस्पतालमा उपचार भइरहेको प्रमुख जिल्ला अधिकारी श्यामकृष्ण थापाले बताए।
कारागारमा ५० जनाको क्षमता भए पनि हाल ३०० कैदीबन्दी छन्। अहिले नेपाली सेना, सशस्त्र प्रहरी र नेपाल प्रहरीले कारागारको सुरक्षा कडा पारेका छन्। प्रहरी नायब उपरीक्षक भोलाकुमार भट्टका अनुसार अहिले अवस्था सामान्य छ।
