विश्व किर्तीमानीद्वय फुर्वा तेञ्जिङ शेर्पा र थानेश्वर गुरागाई हङकङमा (लाईभ भिडियोसहित)

एचकेनेपाल डट कम संवाददाता –
हङकङ, २१ जुलाई। हाईक फर नेपालका लागि विश्व किर्तीमानीद्वय फुर्वा तेञ्जिङ शेर्पा र थानेश्वर गुरागाई विहीबार हङकङ आएका छन्।

जुलाई २४ तारिख आइतवार हुने हाईक फर नेपालमा सहभागी हुन दुबैजना हङकङ आएका हुन्। आयोजक संस्था मितेरी सेवा समिति पोखरा हङकङका उपाध्यक्ष रक्क्ष गुरुङ र वि विल राईज फाउण्डेसन (हामी उठ्ने छौं) को तर्फबाट निर्मल श्रेष्ठ र सुरज गुरुङले शेर्पा र गुरागाईलाई हङकङ विमानस्थलमा स्वागत गरेका थिए।

हङकङ विमानस्थल पुगेका एचकेनेपाल डट कम सहकर्मी जगतअम्बु गुरुङले फेसबुकबाट प्रत्यक्ष प्रसारण गरेका थिए। हेर्नुहोस् भिडियो

हङकङमा हुन लागेको हाईक फर नेपालमा किन सहभागी हुने? हेर्नुहोस् भिडियोः

एचकेनेपाल डट कम संवाददाता –
हङकङ, १ जुलाई। हाईक फर नेपालका लागि विश्व किर्तीमानसहित १०अौं पटक सगरमाथाको सफल आरोहण गरेका फुर्वा तेञ्जिङ शेर्पा हङकङ आउने भएका छन्।

मितेरी सेवा समिति पोखरा हङकङले शुक्रवार एक प्रेस सम्मेलन गरेर शेर्पा हङकङ आउन लागेको जानकारी दिइएको हो।

समितिका अध्यक्ष तुलसीकुमार गुरुङले जुलाई २४ तारिखका दिन शेर्पाको प्रमुख आतिथ्यमा हङकङमा हाईक फर नेपाल हुने जानकारी दिए।

अध्यक्ष गुरुङका अनुसार सेन्ट्रल फेरीबाट बिहान साढे ७ बजे सुरु हुने हाईक रिपल्स बेमा पुगेर समाप्त हुने छ।

हाईक फर नेपाल वि विल राईज फाउण्डेसन (हामी उठ्ने छौं) को पहलमा हुन लागेको हो। हाईक फर नेपालको पूर्ण जानकारी हामी एचकेनेपाल डट कममा छिट्टै प्रकाशित गर्ने छौं।

समितिका उपाध्यक्ष रक्क्ष गुरुङद्वारा सञ्चालित पत्रकार सम्मेलनलाई एचकेनेपाल डट कमले प्रत्यक्ष प्रसारण गरेको थियो।

हेर्नुहोस् प्रत्यक्ष प्रसारणको पूरा भिडियो हाम्रा सहकर्मीद्वय जगतअम्बु गुरुङ र देवराज राईबाट

.

हाईक फर नेपालको पूरा विवरणको लागि तलको प्रेस विज्ञप्तिमा क्लिक गर्नुहोस्