कतारमा घर फिर्ति केन्द्रको एउटा भवनमा आगलागी हुँदा मृत्यु भएका ५ जनामध्ये २ जना नेपाली परेका छन्। त्यस केन्द्रमा गैरकानुनी हैसियत भएका विदेशी कामदार पक्राउ गरी स्वदेश पठाउनुअघि राखिन्छ।
नेपाली दूतावासका अनुसार जलेर ज्यान जानेमा सिन्गाढा ७ म्याग्दीका ३२ वर्षीय पूर्णबहादुर सार्की र धनुषाका २६ वर्षीय सिपान कपार रहेको आजको कान्तिपुर दैनिकमा खबर छापिएको छ। मोवाइल चार्ज गर्ने क्रममा आगलागी भएको स्रोतले बतायो। उनीहरुलाई पक्राउ गरी जेलमा राखिएको थियो। सार्की ३ अप्रिल २०११ बाट कम्पनी छाडेर बाहिर काम गर्दै आएका थिए भने कपार गत अगष्ट २७ मा पक्राउ परेका थिए।
