छुट्टिए सलमान–युलिया

केही महिनायता भारतीय मिडियामा सबैभन्दा बढी समाचार आएको थियो, बलिउड अभिनेता सलमान खान र रोमानियाकी मोडल युलिया वन्तुरको विवाह हुनेबारे।

कतिले त सलमानले १८ नोभेम्बरमा विवाह गर्ने निश्चित भएको बताएका थिए। यस्तो अनुमान किन पनि गरिएको थियो भने सलमान र युलियाको सम्बन्ध निकै बलियो थियो। उनीहरू एयरपोर्टदेखि पारिवारिक पार्टीसम्म पनि सँगै देखिए।

तर, अब यो विगत भएको छ। केही समययता युलिया र सलमानको सम्बन्ध बिग्रिएको एउटा इन्टरटेनमेन्ट वेबसाइटमा छापिएको छ। ‘आपसी असमझदारीले उनीहरू छुट्टिएका हुन्,’ दैनिक भास्करले उद्धृत गरेको छ, ‘त्यसैले पनि हुनुपर्छ, युलिया निकै समयदेखि भारत आएकी छैनन्।’
(नयाँपत्रिकाबाट)