नवराज बस्नेत / एचकेनेपाल डट कम –
अबुधाबी युएई। आफ्नो ड्युटी जाने क्रममा सवारी दुर्घटनामा परेर नुवाकोटका मुरली खड्काको बुधवार बिहान मृत्यु भएको छ| अन्दाजी ४१/४२ बर्षीय मृतक खड्का बिगत ६ बर्षदेखि अबुधाबीस्थित सी.एन.आई.ए.(critical National Infrastructure Authority) कम्पनीमा कार्यरत थिए|
बिहान ६ बजेबाट ग्यास र पेट्रोल उत्पादन खानीहरुमा चेकजाँचको लागि उनी गाडीमा ड्युटीमा खटिएका थिए| खड्का गाडीको अगाडि दाहिने पट्टि बसेका थिए भने अरबीले गाडी चलाएका थिए| गाडी चालकको ढाड भाचिएको मृतकका साथी लोकेन्द्र शाही बताउंछन्| धेरै तीब्र गतिमा रहेको उक्त गाडीले अगाडि गुड्दै गरेको ट्रलीलाई उछिनेर जाने क्रममा नियन्त्रण गर्न नसक्दा बिपरित दिशाबाट आएको लोरीसंग ठोक्किन पुगेको थियो| घटना स्थलमा नै खड्काको मृत्यु भएको थियो| घटना युएई समय अनुसार बिहान ९:४५ बजे भएको थियो|
खड्काको श्रीमती दुई छोरी र एक छोरा छन्| अहिले खड्काको शबलाई युएईस्थित मदिना जाएद अस्पतालमा राखिएको छ| चाडै शब नेपाल लैजाने प्रक्रिया अगाडि बढाउन सहयोग गर्ने तथा खड्काको परिवारले पाउने क्षतिपूर्तिमा सहजताका दिलाउने आश्वासन कम्पनीबाट पाएको बताउछन् उक्त कम्पनीमा कार्यरत रहेका नेपालीहरुका कमान्डर सचिन शाही| उक्त कम्पनीमा कार्यरत नेपालीहरुको संख्या ८०० को हाराहारीमा रहेका छन्| शाहीका अनुसार युएई आर्मीसंग रहेर पेट्रोल, ग्यासखानी तथा युएईका सिमामा सुरक्षा दिनु उनीहरूको दैनिक काम हो|
मृतक खड्का फाइल फोटो।
