हङकङमा कोरोनाबाट २४ घण्टामा ४ जनाको मृत्यु…

न्युज डेस्क / एचकेनेपाल डट कम –

हङकङ, २७ जुलाई। कोविड १९ (कोरोना) संक्रमणबाट हङकङमा २४ घण्टाभित्र चार जना विरामीको मृत्यु भएको छ।

यससंगै हङकङमा कोरोना संक्रमणबाट मृत्यु हुनेको संख्या २२ पुगेको छ।

आइतवार राति ७६ वर्षीया महिला र सोमबार बिहान ९२ वर्षीय पुरुषको क्वीन एलिजाबेथ अस्पतालमा उपचारको क्रममा मृत्यु भएको अस्पतालले पुष्टि गरेको छ।

त्यसैगरी, सोमवार बिहान क्वीन मेरी अस्पतालमा एक र दिउँसो यूनाईटेड क्रिश्चियन अस्पतालमा एक जना गरी दुई जना कोरोना संक्रमित विरामीको मृत्यु भएको अस्पतालले जनाको छ।

हङकङमा अहिलेसम्म कोरोना संक्रमितको संख्या २,७७९ पुगेको छ। कोरोना संक्रमितहरुमा १,४८६ जना निको भएर अस्पतालबाट डिस्चार्ज भएका छन्। १,०१४ जनाको उपचार भइरहेको छ। ३८ जना कोरोना सङ्क्रमित विरामीको अवस्था ‘क्रिटिकल’ रहेको जनाइएको छ।