हङकङ कोरोना न्युज अपडेट : १६ जना सङ्क्रमित थपिए…

न्युज डेस्क / एचकेनेपाल डट कम –

हङकङ, १७ फेब्रुवरी। सेन्टर फर हेल्थ प्रोटेशनले पछिल्लो २४ घण्टामा हङकङमा थप १६ जनामा कोरोना संक्रमणको पुष्टि भएको जनाएको छ।

संक्रमितहरुमध्ये १२ स्थानीय र ४ जना आयातित रहेका छन्। आयातित संक्रमितहरुमध्ये १ जना फिलिपिनो घरेलु सहयोगी, १ जना अष्ट्रियाबाट र २ जना पाकिस्तानबाट फर्केका रहेका छन्।

यससंगै कोरोना सङ्क्रमितको संख्या हङकङमा १०,८१३ पुगेको छ।

संक्रमितहरुमध्ये २ पुराना केससंग संबन्धित छन् भने १० जनाको संक्रमणको स्रोत खुलेको छैन। कुल सङ्क्रमितहरूमा २९ देखि ७२ वर्ष उमेर बीचका ११ पुरूष र ५ महिला रहेका छन्।

पछिल्लो सरकारी आकाँडा अनुसार हालसम्म १०,२६९ जना कोरोना संक्रमित निको भएर अस्पतालबाट डिस्चार्ज भएका छन्। ३०१ जनाको उपचार भइरहेको छ। २० जना बिरामीको अवस्था भने ‘क्रिटिकल’ रहेको जनाइएको छ।

कोरोनाबाट हङकङमा मृत्यु हुनेको संख्या १९५ पुगेको छ।