एचकेनेपाल डट कम –
हङकङ, १८ डिसेम्बर। हङकङमा आज आइतवार विहान यो यामकै पहिलो सर्वाधिक चिसो तापक्रम मापन गरिएको छ।
हङकङ अब्जरभेटरीले ताई मो शान डाँडाको न्यूनतम तापक्रम शून्य दशमलव २ डिग्री सेल्सियस मापन गरेको हो।
हङकङका विभिन्न जिल्लाहरूमा बिहानको तापक्रम सामान्यतया ९ डिग्री सेल्सियस वा तल झरेको छ। जुन हिजोको तुलनामा दुईदेखि तीन डिग्री कम मापन गरिएको हो।
तीमध्ये सहरी क्षेत्रमा हङकङको अब्जर्भेटरीले रेकर्ड गरेको सबैभन्दा कम तापक्रम ९.४ डिग्री सेल्सियस थियो। जुन जाडोको सुरुदेखिकै सबैभन्दा कम हो। जबकि ता कु लिंग, शेउङ शुई र ताइ पोको न्यूनतम तापक्रम ८.३, ८.९ र ८.८ डिग्री रेकर्ड गरिएको थियो।
ताइ मो शानमा ०.२ डिग्री सेल्सियस तापक्रम रेकर्ड गरिएको छ।
हङकङ अब्जर्भेटरीका अनुसार उत्तरबाट कडा हावा चल्ने अनुमान गरेको छ। अबको दुई दिनमा चिसो रहने छ। भोलि बिहान सहरी क्षेत्रमा न्यूनतम तापक्रम नौ डिग्रीको आसपास रहनेछ भने न्यु टेरिटोरिज क्षेत्रहरूमा केही डिग्री कम रहनेछ।
तीव्र हिउँदको मनसुनले गुआङडोङमा अर्को दुई दिनमा चिसो मौसम ल्याउनेछ। यो क्षेत्रमा हावा चल्नेछ, र मौसम राम्रो र धेरै सुख्खा हुनेछ। दक्षिणी चीनको तटीय क्षेत्रको तापक्रम यस हप्ताको मध्य हप्तामा अलिकति बढ्ने अनुमान गरिएको छ। तर, मनसुनको पुनःपूर्तिको प्रभावले यस क्षेत्रमा अझै पनि बिहान र राती चिसो रहनेछ।
