भूकम्पपीडितलाई रोनाल्डोको ७९ करोड सहयोग…

एजेन्सी, लन्डन-फुटबल स्टार क्रिस्टियानो रोनाल्डोले भूकम्पपीडित बालबालिकाको लागि ५ मिलियन पौण्ड (करीब ७९ करोड रुपैयाँ) सहयोग गर्ने भएका छन्।

रियल म्याड्रिड स्ट्रइकर रोनाल्डोले नेपालका भूकम्पपीडित बालबालिकाका लागि सो रकम सेभ द चिल्ड्रेन यूके मार्फत पठाएको अन्तरार्ष्ट्रिय मिडियाहरुले जनाएका छन्। रोलान्डोको सहयोग नेपालमा बालबालिकाका लागि काम गर्ने सेभ द चिल्ड्रेन नामक संस्थाले पाउने समाचार नागरिक दैनिकमा छ।

फ्रान्सको खेल म्यागेजिन सो फुटले ३० बर्षे फुटबल स्टारले सो रकम हस्तान्तरण गरिसकेको जनाएको छ। बेलायती पत्रिका द इन्डिपेन्डेन्टले सेभ द चिल्ड्रेन यूकेका अधिकारीलाई उदृत गर्दै सहयोग रकम शनिबार बिहानसम्म प्राप्त नभएको जनाएको छ।

नेपालमा भूकम्प गएको केही समयपछि नै रोनाल्डोले आफ्ना फेसवुक फलोअर्सलाई भूकम्पपीडितका लागि दान गर्न आव्ह्यन गरेका थिए।