विजय थापा । अभिनेता सरोज खनालले निर्देशन गरेको पहिलो चलचित्र बगानको भर्जिनियामा प्रथम प्रदर्शन (प्रिमियर सो) भएको छ।
चलचित्र हेरेपछि महिला दर्शकका आँखा रसिएका देखिन्थे भने चलचित्र हेर्ने दर्शकले उत्कृष्ट चलचित्र लागेको बताए।।
चलचित्रको कथा वस्तु निकै उत्तम र कलाकारहरुको अभिनय उत्तिकै बेजोड भएको दर्शकको प्रतिक्रिया थियो। धेरै दर्शकले कलाकार करिश्मा मानन्धरको दमदार अभिनयको मुक्त कण्ठले प्रसंशा गरेका थिए।
यो चलचित्रले सरोज खनाललाई उत्कृष्ट कलाकार मात्र नभै र कुसल निर्देशकसमेत रहेको पुष्टि गरेको छ।
चलचित्रका निर्माता गीतकार सुरेश वाग्ले रहेका छन्। उनी म्यासाचुसेट्स राज्य बोस्टनभाट भर्जिनिया आएका थिए। सरोज खनाल र निर्माता सुरेश वाग्ले पनि दर्शकसंगै बसेर चलचित्र हेरेका थिए।
चलचित्रमा नीर शाह ,बसुन्धरा भुसला, मिथिला शर्मा, करिश्मा मानन्धर , सरोज खनाल , आकाश श्रेष्ठ, प्रमिला कार्कीलगायत कलाकारहरु रहेका छन्।
चलचित्र प्रदर्शन गत जनवरी ८ आइतबारका दिन भर्जिनिया राज्यको फेयरफ्यासस्थित सिनेमा आर्ट थेटरमा प्रदर्शन गरिएको थियो ।
सरोज खनालले चलचित्र सुरु हुनु अगाडी आफ्नो पहिलो प्रयास भएको र सल्लाह सुझाव दिन आग्रहसमेत गरेका थिए।
