भुपाल गुरुङ / एचकेनेपाल डट कम –
पोखरा ९ जेठ। स्याङजाको मनकामना लामडाँडाका अग्नीपीडितलाई जापानमा रहेका नेपालीले सहयोग गरेका छन्।
आगलागीका कारण गाँउ नै सखाप भएपछि घरबार विहिन हुन पुगेका परिवारको पुर्नस्थापनाको लागि जापानमा रहेका स्याङजालीहरुको पहलमा रकम संकलन गरेर सहयोग गरेको हो ।
हाल जापानमा रहेका नेपाल तमु विद्यार्थी छोँज धीं पूर्वउपाध्यक्ष चित्र तमु र पूर्वकोषध्यक्ष युवराज तमुको पहलमा संकलित १ लाख २५ हजार १ सय २५ नगद रकम हन्तारन्तण गरेको हो ।
उनीहरुले विभिन्न शिलशिलामा जापानमा रहेरका नेपालीहरुबाट उक्त रकम संकलन गरि नेपाल पठाएका थिए । संकलित रकमलाई नेपाल तमु विद्यार्थी छोँज धीं केन्द्रीय उपमहासचिव रिम तमुले स्थानीय पीडित उद्धार समितिका सचिव धनबहादुर थापालाई हन्तारण गरे ।
जापानमा संकलित रकम हस्तान्तरण गर्न लामडाँडा पुगेका उपमहासचिव रिम तमुले अग्नीपीडितहरुको पुर्नस्थापनामा पहल गर्ने प्रतिवद्धता गर्दै सबैसंग सहयोगको अपिल समेत गरे ।
गत बैशाख १८ गते भएको आगालागीका कारण २३ घरपरिवार घरवार विहिन हुन पुगेका छन् । १५ दिन अगाडि गाँउ छेवैको वनमा लागेको आगालागीबाट बाँचेको यो गाँउ १८ गते घरबाटै निस्किएको आगोबाट नष्ट भएको थियो । घरवार विहिन परिवार यत्तिबेला संयुक्त अस्थायी पाल टाँगेर बसेका छन् ।
