सञ्चार माध्यमले सरकारको गलत प्रचार गरेः सञ्चारमन्त्री

सरकारका प्रवक्ता एवं सञ्चारमन्त्री गोकुल बाँस्कोटा सञ्चारगृह र सञ्चारकर्मीमाथि खनिएका छन्।

मन्त्रिपरिषद बैठकका निर्णय सार्वजनिक गर्न बिहीबार आयोजित पत्रकार सम्मेलनमा मन्त्री बाँस्कोटाले समाचार बंग्याएर सम्प्रेषण गरेको आरोप लगाउँदै सञ्चारकर्मीमाथि आक्रोशित भएका हुन्।

हालै काठमाडौँमा सम्पन्न एसिया प्यासिफिक समिट र निर्मला पन्त प्रकरणलाई लिएर सञ्चारमाध्यममा आएका समाचारको उनले खण्डन गरेका छन् । उनले केही मिडियाले सरकारलाई खेद्न मिसन नै बनाएर तथ्य तोडमोड गरिरहेको आरोप लगाए । नागरिक दैनिकमा खबर छ।