हङकङ आगलागीमा ज्यान गुमाएका नेपाली बाबुछोराको अन्त्येष्टि…

न्युज डेस्क / एचकेनेपाल डट कम –

हङकङ, २९ नोभेम्बर। हङकङ आगलागीमा ज्यान गुमाएका बाबुछोरा रामबाबु नेपाल र रायनको आइतवार दिउंसो अन्त्येष्टि गरिएको छ।

जन्मदिवसको पार्टी र दीपावली मनाउंने क्रममा आगलागी हुंदा ज्यान गुमाएका रामबाबु नेपाल र रायन नेपालप्रति अन्तिम श्रद्धाञ्जलि अर्पण गर्न हुङ होमस्थित फ्युनरल पार्लरमा सयौं हङकङेली नेपाली भेला भएका थिए।

नेपालका परिवार, आफन्त, नेपाली सङ्घसंस्थाका प्रतिनिधिहरुसहित सयौं हङकङेली नेपालीले भावपूर्ण श्रद्धा सुमन व्यक्त गर्दै नेपाल र छोरालाई अन्तिम विदाई गरेका थिए।

नेपाल र उनका छोराको पार्थिव शरीरलाई चाई वानस्थित दाहसंस्कार स्थलमा अन्त्येष्टि गरिएको छ।

नोभेम्बर १५ तारिख साँझ जोर्डनको क्यान्टोन रोडस्थित नेपाली रेष्टुरेण्ट जीरे खुर्सानीमा भीषण आगलागी हुंदा ३८ वर्षीय राजबाबु नेपाल र नेपालका ९ वर्षीय छोरो रायनसहित ८ जनाको ज्यान गएको थियो।

दुर्घटनामा १० जना घाइते भएका थिए।

हङकङ आगलागीमा ज्यान गुमाएकी अनिताको अन्त्येष्टि…