नेपाल विश्वकपको प्रारम्भिक छनोटबाटै बाहिरियो

काठमाडौँ, चैत ३ – सन् २०१८ मा रुसको विश्वकप तथा २०१९ मा युएईमा हुने एसिया कपका लागि एसियाली छनोटअन्तर्गत दोस्रो लेगका लागि दशरथ रंगशालामा मंगलबार सम्पन्न खेलमा नेपाल विश्वकपको प्रारम्भिक छनोटबाटै बाहिरिएको छ।

गोलरहित खेल बराबरीमा टुङ्गिएपछि नेपाल विश्वकपको प्रारम्भिक छनोटबाटै बाहिरिएको हो। भारत भने यसअघि खेलेको खेल नतिजा २-० गोलको अाधारमा दोस्रो चरणमा प्रवेश गरेको छ।

नेपाललाई दोस्रो चरणमा प्रवेश गर्न कुनै गोल नखाई ३–० ले जित्नु पर्ने थियो। नेपाल र भारतबीच भएको खेलको इतिहास हेर्दा योसहित १७ पटक भिडेका छन्। भारतले १२ पटक र नेपालले भारतलाई दुई खेलमा मात्र जितेको छ। त्यस्तै, तीन खेल बराबरीमा टुङ्गिएका छन्।