मकाउमा प्रवासी नेपाली मञ्च गठन

शिशिर सिंखडा / एचकेनेपाल डट कम –
चितवन, ३ जेठ । मकाउमा रहेका प्रवासी नेपालीहरुको एक भेलाले हालै प्रवासी नेपाली मञ्च मकाउ राष्ट्रिय कमिटी गठन गरेको छ ।

नेकपा एमालेका सचिव एवम् पूर्व संस्कृति पर्यटन तथा नागरिक उड्डयन मन्त्री पृथ्वी सुब्बा गुरुङको प्रमुख आतिथ्यतामा भएको कार्यक्रममा प्रवासी नेपाली मञ्च हङकङ राष्ट्रिय कमिटीका अध्यक्ष भक्त गुरुङ, एनआरएनए मकाउका अध्यक्ष मुकेश बरुवाल लगायतले कार्यक्रममा मन्तव्य व्यक्त गरेका थिए।

मकाउ राष्ट्रिय कमिटीको सो अधिवेशनबाट हर्क गुरुङ (स्याङ्जा) अध्यक्षमा चयन भएका छन्। त्यसैगरी वरिष्ठ उपाध्यक्षमा कृष्ण अधिकारी (चितवन), उपाध्यक्ष शिव थापा (लमजुङ्ग), महासचिव उत्तम गुरुङ्ग (ओखलढुङ्गा), कोषाध्यक्ष प्रेम तामाङ्ग (काभ्रे) चयन भएका छन् ।

त्यस्तै सदस्यहरुमा राजु कार्की (कास्की), भुवन पुन (नवलपरासी), फुल बहादुर तामाङ्ग (लमजुङ्ग), रुद्र घले (लमजुङ्ग), विश्वराज भण्डारी (लमजुङ्ग), अमृत रावत (प्युठान), नारायण के.सी. (लमजुङ्ग), रेशम रानाभाट (काठमाडौं), रामकाजी गुरुङ्ग (कास्की), प्रमोद बुढाथोकी (धादिङ्ग), खम्बराज के.सी. (धादिङ्ग) र विक्रम घताने (सुर्खेत) चयन भएका छन् ।

मकाउमा रहेका नेपालीहरुलाई संगठित गर्दै गठन भएको यस्तो भेलाले नेपाल र नेपाली प्रतिको माया र स्नेह थप प्रगाढ हुने नवगठित कमिटीका वरिष्ठ उपाध्यक्ष कृष्ण अधिकारीले जानकारी दिए।