हिरासतभित्र रहेका रवि लामिछानेको फोटो सार्वजनिक गर्नेमाथि कारबाही गर्न गृहमन्त्रीको निर्देशन

काठमाडौं, गृहमन्त्री रमेश लेखकले कास्की प्रहरी हिरासतमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेको तस्वीर सार्वजनिक गर्ने जो कोहीलाई पनि कडा कारबाही गरिने स्पष्ट पारेका छन्।

यो घटनाले प्रहरी प्रशासनको गोपनीयता र सुरक्षा व्यवस्थामा गम्भीर प्रश्न उठाएको छ। गृहमन्त्री लेखकले प्रहरी महानिरीक्षक बसन्त कुँवरलाई यस विषयमा विशेष छानबिन गरी दोषीहरूलाई तत्काल कारबाहीको दायरामा ल्याउन कडा निर्देशन दिएका छन्।

विशेष सूत्रका अनुसार बुधबार साँझ सामाजिक सञ्जालमा भाइरल भएको तस्वीरले प्रहरी प्रशासनको छविमा नकारात्मक प्रभाव पारेको छ। रास्वपाका कार्यकर्ता डा. निकोलस भण्डारीले आफूले नै उक्त तस्वीर खिचेर सार्वजनिक गरेको स्वीकार गरेका छन्।

प्रहरी प्रवक्ता एवं वरिष्ठ प्रहरी उपरीक्षक विश्व अधिकारीले यस घटनाको गम्भीरतालाई मध्यनजर गर्दै विशेष अनुसन्धान टोली गठन गरिएको र छानबिन प्रक्रिया तीव्र गतिमा अघि बढेको जानकारी दिए।