न्युज डेस्क / एचकेनेपाल डट कम –
हङकङ, २७ जनवरी। हङकङमा पहिलो पटक तमू समुदायको महिला तथा पुरुष डबल्स ब्याडमिन्टन प्रतियोगिता हुने भएको छ।
तमू खेलकुद परिषद हङकङको आयोजनामा आगामी फेब्रुअरी २३ तारिख आइतबार हङकङ अन्तर्राष्ट्रिय विमानस्थलको कर्मचारी क्लबहाउसमा प्रथम तमू ब्याडमिन्टन च्याम्पियनसिप २०२५ आयोजना हुन लागेको हो।
खेल संयोजक मेख गुरुङले दिएको जानकारी अनुसार यो प्रतियोगिता विशेष गरी गुरुङ समुदायको एकता र खेल प्रतिभा प्रस्फुटनको लागि आयोजना गरिएको हो। प्रतियोगितामा गुरुङ जातिका खेलाडीहरूले मात्र सहभागिता जनाउन पाउने छन्।
यस ऐतिहासिक प्रतियोगिताले हङकङमा बसोबास गर्ने तमू समुदायबीच खेलकुदको माध्यमबाट सामाजिक एकता र सांस्कृतिक पहिचान बलियो बनाउने आयोजकको विश्वास रहेको छ। प्रतियोगिताको विजेताहरूलाई आकर्षक पुरस्कारको व्यवस्था गरिएको छ।
