न्युज डेस्क / एचकेनेपाल डट कम –
हङकङ, ५ मार्च। मा ओन शान होली स्पिरिट प्राइमरी स्कूलको भवनबाट खसेर मंगलवार ११ वर्षीय विद्यार्थीको मृत्यु भएको छ। उनी खेल मैदानमा बेहोस अवस्थामा फेला परेका थिए। प्याराडिमेक्सहरूले बालकलाई तुरुन्तै प्रिन्स अफ वेल्स अस्पताल लगेका थिए, तर दुर्भाग्यवश, उनले आफ्नो चोटहरूबाट ज्यान गुमाए।
प्रहरी रिपोर्टका अनुसार बालक भावनात्मक कठिनाइहरू अनुभव गरिरहेका थिए। एक वक्तव्यमा, स्कूलले यस क्षतिप्रति गहिरो दुःख व्यक्त गरेको छ र सबै कर्मचारी र विद्यार्थीहरू गहिरो रूपमा प्रभावित भएको स्वीकार गरेको छ।
स्कूलले अभिभावकहरूलाई एक पत्र जारी गर्दै उनीहरूलाई आफ्ना बच्चाहरूको भावनात्मक कल्याणको अनुगमन गर्न र कुनै आवश्यक सहायताको लागि स्कूलसँग सञ्चार कायम राख्न आग्रह गरिएको छ। अभिभावकहरूलाई कुनै पनि सोधपुछको लागि सम्पर्क गर्न प्रोत्साहित गरिएको छ।
त्यसै गरी, १४ वर्षीय एक किशोरले पनि बुधबार बिहान शा टिनमा रहेको एक आवासीय भवनबाट हामफालेर आत्महत्या गरेका छन्। परिवारका सदस्यले पिक्टोरियल गार्डेनको एक प्लेटफर्ममा उनलाई देखेपछि बिहान करिब ७:३४ बजे प्रहरीलाई खबर गरेका थिए।
उनलाई तत्काल प्रिन्स अफ वेल्स अस्पताल लगिएको थियो तर अस्पताल पुर्याउँदा मृत घोषित गरिएको थियो। प्रहरीले किशोर भवनको एक युनिटबाट खसेको पुष्टि गरेको छ र कुनै आत्महत्या नोट फेला नपरेको जनाएको छ। अधिकारीहरूले उनको मृत्युको कारणको बारेमा अनुसन्धान गरिरहेका छन्।
यदि कसैमा आत्महत्याको प्रवृत्ति वा उदासीनता छ भने कृपया द समारिटन्स हङकङको २४-घण्टे बहुभाषी हटलाइन: २८९६०००० मा फोन गर्नुहोस्।
