काठमाडौं, प्रधानमन्त्री वालेन्द्र शाहको सरकारले मन्त्रिपरिषद् विस्तार गरेको छ। आज शीतल निवासमा आयोजित विशेष समारोहमा सुधन गुरुङले गृहमन्त्रीको पद तथा गोपनीयताको शपथ लिएका छन् भने स्वतन्त्र सांसद महावीर पुनले विज्ञान, प्रविधि तथा नवप्रवर्तन मन्त्रीको शपथ लिएका छन्।
सुधन गुरुङ यसअघि चैत महिनामा गृहमन्त्री नियुक्त भएका थिए। उनले वैशाखमा सम्पत्ति विवरणमा देखिएको प्रश्न उठेपछि राजीनामा दिएका थिए। तर, पूर्व उच्च अदालतका न्यायाधीशको नेतृत्वमा गठित छानबिन समितिले उनलाई सफाई दिएपछि प्रधानमन्त्री शाहले पुनः गृहमन्त्रीमा नियुक्त गरेका हुन्।
महावीर पुन नेपालको दुर्गम क्षेत्रमा वायरलेस इन्टरनेट पुर्याउने अभियानका लागि चर्चित व्यक्तित्व हुन्। उनी म्याग्दीबाट स्वतन्त्र सांसद निर्वाचित भएका थिए।
समारोहमा राष्ट्रपति रामचन्द्र पौडेलको उपस्थितिमा शपथ ग्रहण भएको थियो।
