काठमाडौ । पछिल्लो समयमा युवापुस्तामा पनि टाउको दुख्ने सम्स्या धेरै देखिन थालेको छ।
टाउको दुखेर काममा अवरोध भइरहेको दुखेसो उनीहरूको हुन्छ । टाउको दुख्ने समस्या आफ्नै अव्यवस्थित जीवनशैलीका कारण निम्तिरहेको छ । त्यसैले यो समस्याबाट मुक्ति पाउन हामीले सबैभन्दा पहिले आफ्नो जीवनशैलीमा परिवर्तन गर्नुपर्छ।
जसले आफ्नो जीवनशैली परिवर्तन गर्न सक्छ, उसको टाउको दुख्ने समस्या कम हुँदै जान्छ । हामीले आफ्नो जीवनशैली परिवर्तन गर्न योगलाई माध्यम बनाउन सक्छौँ । हाम्रो दैनिक अव्यवस्थित जीवनशैली, खानपान, धुवाँधुलो, तनाव, अनावश्यक सोचाइका कारण टाउको दुख्ने समस्या भइरहन्छ । टाउको दुख्ने समस्याबाट मुक्त हुन नाडीशोधन प्राणायाम गर्न सकिन्छ । नाडीशोधन प्राणायाम गर्ने तरिकाबारे योग विशेषज्ञ प्रह्लाद दाहाल यसो भन्छन्?
नाडीशोधन प्राणायाम खाली पेटमा गर्नु उपयुक्त हुन्छ । खाली पेट भएको समयमा यस्तो प्राणायाम गर्दा शरीरलाई फाइदा हुन्छ।
योग गर्दा हामीले सजिलो आसनमा बस्नुपर्छ । बस्न सहज र योग क्रियाका क्रममा कुनै अवरोध नहुने आसन रोज्नुपर्छ । शरीरलाई आराम हुने गरी आसनमा बस्नुहोस् । प्राणायामका क्रममा शरीरलाई चलाउँदा शरीरका सबै अंग राम्रोसँग चलाउन मिल्ने हुनुपर्छ।
अबको चरणमा आफ्नो ढाड, गर्दन सीधा पारेर बस्नुहोला। ढाड, गर्दन सीधा भएन भने गरिरहेको योग विधिले हाम्रो शरीरलाई नकारात्मक असर पार्न सक्छ।
अबको चरणमा दायाँ हातलाई नासिका मुद्रा बनाएर, श्वास दायाँबाट लिई बायाँबाट फाल्नुहोस् र पुनः बायाँबाट श्वास लिई दायाँबाट फाल्नुहोस् ।
यो अभ्यासलाई दुवै नासिकाबाट गर्नुपर्छ । यो अभ्यास कमसेकम १० मिनेटसम्म गर्नुपर्छ । जसले गर्दा हाम्रो टाउकोमा अक्सिजन पुर्याउन मद्दत गर्छ।
यो प्राणायाम बिस्तारै गर्नुपर्छ । श्वासको सन्तुलन मिलाएर प्राणायाम गर्यो भने टाउको दुख्ने समस्या पूर्ण रूपमा समाधान हुन सक्छ । यो प्राणायाम दैनिक गर्न फाइदाजनक हुने नयाँ पत्रिका दैनिकमा स्वास्थ्य टिप्स रहेको छ।
