रुद्र शर्मा –
कतार, कतारमा बैदेशिक रोजगारीको सिलसिलामा गएका युवाहरुले संयुक्त लगानीमा मिमोसा मल्टिपर्पोज व्यवसाय कम्पनी संचालनमा ल्याएका छन्।
कम्पनीको गत १ जुलाईका दिन औपचारिक रुपमा उद्दघाटन गरिएको हो।
आफै मालिक आफै श्रमिक हुनु पर्छ भन्ने उदेश्यले कतारबाट उक्त कम्पनिमा लागनी गर्ने युवाहरुमध्ये केही युवाहरु स्वदेश फर्किएर काठमाडौंको चावहिलमा मिमोसा मल्टिपर्पोज प्रालि मार्फत विविध व्यवसाय संचालनमा ल्याएका हुन्। नेपालमै स्वरोजगार हुनु पर्छ भदै राजधानीको चावहिलमा मिमोसा रेष्टुरेन्ट एण्ड थकाली किचेन, मिमोसा ट्राभल्स एजेन्सी र मिमोसा आयुवेदिक क्लिनिक संचालनमा ल्याइएका छन् भने अहिले उनीहरुले करिब २०/२२ जना युबाहरुलाई रोजगार दिएका छन्।
करीब ५० लाखको सुरुवाती लगानीमा संचालनमा आएको यो मल्टि कम्पनीको असार १६ गते सोमबार नेपालका चर्चित बरिष्ठ कलाकार दिपकराज गिरीले एक विशेष कार्यक्रमका बिच औपचारिक रुपमा उद्घाटन गरेका थिए । रिवन र केक काटेर उद्घाटन गर्दै प्रमुख अतिथि गिरीले विदेशबाट स्वदेश फर्किएर युवाहरुले संयुत रुपमा लगानी गरी गरेको काम अन्य युवाहरुको लागि उदाहरणीय भएको भन्दै सफलताको शुभकामना दिएका थिए।
त्यसै गरी कतारमा गएका युबाहकै लगानी गरेका उक्त कम्पनी संचालन भएको हुदा कतारको रोयल नेपाली रेस्टुरेण्टको सभाहलमा एक औपचारिक कार्यक्रम गरेर भव्यताका साथ ओपनिङ्ग गरेका थिए। कार्यक्रममा करीब तिन सय जना नेपालीहरुको बाक्लो उपस्थिथि रहेको थियो। कार्यक्रममा डिएमआइका दिपक ढकाल, जागरुक युवा समाज नेपाल कतारका अध्यक्ष राज चुवान, सद्भाव युवा समाजका सल्लाहकार सुरेश तामाङ, वेयलफेयरका अध्यक्ष दिपक थापा, खोटाङ सेवा समाजका अध्यक्ष रुद्र शर्मा लगायतले ब्यवसायिक सफलताको शुभकामना दिएका थिए।
कार्यक्रमको समापन गर्दै सोही कम्पनि कतारका अध्यक्ष्य मोहन श्रेष्ठले कतारमा कमाएको केही पैसा घर खर्चबाट बचेको स्वदेशमै केही गर्नु पर्छ भन्ने उद्धेश्यले नेपालमा सामूहिक लगानीमा बहुउद्देश्यीय कम्पनी स्थापना गरिएको बताउछन्। साथै यस कम्पनीले नेपाल भ्रमण बर्ष २०२० लाई सहयोग पुर्याउने लक्ष्य लिएको पनि जानकारी दिएका थिए। कार्यक्रमको संचालक सचिब हिरा बिकले गरेका थिए।
