हङकङ कोरोना न्युज अपडेट : थप १० जनामा कोरोना सङ्क्रमण, ४ स्थानीय ६ आयातित…

न्युज डेस्क / एचकेनेपाल डट कम –

हङकङ, २४ मार्च। सेन्टर फर हेल्थ प्रोटेशनले पछिल्लो २४ घण्टामा हङकङमा थप १० जनामा कोरोना संक्रमणको पुष्टि भएको जनाएको छ। यससंगै कोरोना सङ्क्रमितको संख्या हङकङमा ११,४२० पुगेको छ।

संक्रमितहरुमध्ये ४ स्थानीय र ६ जना आयातित रहेका छन्। आयातित सङ्क्रमितहरुमा भारतबाट आएका ५ जना र पाकिस्तानबाट आएका एक जना रहेका छन्। कुल सङ्क्रमितहरूमा १४ देखि ५६ वर्ष उमेर बीचका ६ पुरूष र ४ महिला रहेका छन्।

पछिल्लो सरकारी आकाँडा अनुसार हालसम्म १०,९६३ जना कोरोना संक्रमित निको भएर अस्पतालबाट डिस्चार्ज भएका छन्। २१२ जनाको उपचार भइरहेको छ। १० जना बिरामीको अवस्था भने ‘क्रिटिकल’ रहेको जनाइएको छ।

कोरोनाबाट हङकङमा मृत्यु हुनेको संख्या २०४ पुगेको छ।