डाँकाको एक समूहले आज बिहान महोत्तरीमा शहीद परिवारको घरमा धनमाल लुटपाट गरेको छ।
महोत्तरी जिल्ला प्रहरी कार्यालयका प्रवक्ता प्रकाश विष्टका अनुसार आज बिहान अन्दाजी ३ बजे चार-पाँच जनाको समूहमा आएका डाँकाले शहीद गणेशप्रसाद चौधरीका छोरा एवं शहीद रोहन चौधरीका काका विजय चौधरीको घरबाट १० तोला सुनको गहना र २५ हजार रूपैयाँ लुटेका हुन् ।
धारिलो हतियारसहित मास्क लगाएर आएका डाँकाले घरमूली विजय चौधरी बिरामी भएर काठमाडौंमा उपचाररत रहेको मौका छोपी घरभित्र पसेर छोरा रोशन चौधरीलाई नियन्त्रण लिएर लुटपाट गरी भागेका थिए ।
लुटपाट गर्ने क्रममा प्रतिकार गर्दा डाँकाले रोशनलाई टाउकामा हतियारले हिर्काएर घाइते बनाएका थिए।
जिल्ला अस्पताल जलेश्वरमा उपचारका क्रममा उनको टाउकोमा ११ वटा टाँका लगाइएको र थप उपचारका लागि प्रादेशिक अस्पताल जनकपुर पठाइएको छ।
