बौद्ध समाज कोलोराडोको अध्यक्षमा श्यामकुमार श्रेष्ठ चयन

नातिबाबु भट्ट –

कोलोराडो अमेरिका। बौद्ध समाज कोलोराडोको हालै सम्पन्न भेलाले श्यामकुमार श्रेष्ठको अध्यक्षतामा ७ सदस्यीय नयां कार्य समिति सर्वसम्मत रुपमा चयन गरेको छ।

यसरी चयन कार्य सर्वसम्मतको उपाध्यक्ष, सचिव र कोषाध्यक्षमा क्रमश सोनाम शेर्पा, संजय शाक्य र बसन्त गुरुङ रहेका छन् । त्यस्तै संस्थाको सदस्यहरुमा पेमा डोल्कर श्रेष्ठ, शान्ति लामा, टेकबहादुर थापा रहेको अध्यक्ष श्यामकुमार श्रेष्ठले बताएका छन्।

त्यसैगरी सोही भेलाले ४ सदस्यीय सल्लाहकारहरू समेत चयन गरेको छ । यसरी चयन भएका सल्लाहकारहरुमा पूर्णबहादुर गुरुङ, लाक्पा शेर्पा, अरुण गुरुङ र चन्द्रमान गुरुङ रहेका छन्।

कोलोराडोमा सन् २०१७ मा गठीत यस संस्थाले हरेक बर्ष बुद्ध जयन्तीको अवसरमा कोलोराडो डेन्भर डाउनटाउनमा शान्ति पदयात्रासहित बिभिन्न कार्यक्रम गर्दै आएको छ । यसबर्ष पनि आगामी मे १३ तारिख शनिबारका दिन डाउनटाउन सिभिक सेन्टरमा बिभिन्न कार्यक्रमको साथ २६४७ औं बुद्ध जयन्ती मनाउने कार्यक्रम रहेको संस्थाका सचिव संजय शाक्यले बताएका छन्।

उक्त दिन कोलोराडोमा सक्रिय सबै संघ संस्थाका पदाधिकारी, गन्यमान्य, बुद्धिजीवी, ब्यवसायी, समाजसेवी, कलाकार, पत्रकार तथा सर्वसाधारण उपस्थित भइ भब्य र सभ्य तरिकाबाट सफलतापूर्वक कार्यक्रममा सम्पन्न गर्न सहयोग गरिदिनु हुन संस्थाका अध्यक्ष श्रेष्ठले सबैलाई हार्दिक अपिल गरेका छन्।

रकी माउन्टेण्न फेन्डस अफ नेपालको संयोजन तथा स्थानीय संघ संस्था र सर्वसाधारणको सहभागितामा डेन्भरस्थित स्काइ लाइनपार्कमा सन् २०१६ मे २२ मा पहिलो पटक शान्ति पदयात्रासहित बुद्ध जयन्ती मनाउन थालिएको थियो।