वैदेशिक रोजगारमा जाने अधिकांशको मृगौला फेल

रोजागारीका लागि खाडी मुलुक र मलेसिया जानेहरुमा मिर्गौला फेल हुने समस्या बढी देखिएको अस्पतालहरुको अनुसन्धानले देखाएको छ।

खाडी मुलुक र मलेसियाबाट फर्कनेहरुमा मिर्गौलाको समस्या बढी पाइएको अस्पतालका तथ्याङ्कहरुले देखाएका छन्।

टिचिङ अस्पतालमा मिर्गौला विभागका अनुसार औसत चार जना विदेशमा काम गरिसकेका बिरामी मिर्गौला बिग्रिएर आउने गरेका छन्। राष्ट्रिय अंग प्रत्यारोपण भएकामध्ये ४० प्रतिशत वैदेशिक रोजगारीबाटै आएको छन्। केन्द्रमा अहिलेसम्म एक सय ३० जनामा मिर्गौला प्रत्यारोपण भइसकेको खबर आजको नागरिक दैनिकमा समाचार छ।

मिर्गौला बिग्रेर आउनेमा पहिलो नम्बरमा कतार छ। दुबई, मलेसिया र साउदीबाट आउने संख्या दोस्रो, तेस्रो र चौथा नम्बरमा छ। २० वर्षदेखि ४० वर्ष उमेर समूहका बढी भएको उपचारमा संलग्न चिकित्सकले जनाए।