हङकङकी ‘तलवारबाज’ की रानीलाई पेरिस ओलम्पिकमा पहिलो स्वर्ण पदक…

न्युज डेस्क / एचकेनेपाल डट कम –
हङकङ, २८ जुलाई। हङकङकी फेन्सर (तलवारबाजी) भिभियन कङले २०२४ पेरिस ओलम्पिक खेलकुदमा महिला एपी व्यक्तिगत प्रतियोगितामा स्वर्ण पदक जितेर उल्लेखनीय उपलब्धि हासिल गरेकी छन्।

यो ऐतिहासिक जित यस वर्षको ओलम्पिकमा हङकङको पहिलो पदक हो।

यो जितसंगै उनले ६ मिलियन हङकङ डलर नगद पुरस्कार प्राप्त गर्ने भएकी छन्। यसअघि नै ओलम्पिकमा स्वर्ण पदक जित्ने विजेताहरुलाई ६ मिलियन हङकङ डलर नगद पुरस्कार दिइने घोषणा भइसकेको छ।

हङकङका कार्यकारी प्रमुख जोन ली का-चिउले आइतवार हङकङका लागि पेरिस ओलम्पिकमा पहिलो पदक जितेकोमा फेन्सर भिभियन कङ मान-वाइ र उनका प्रशिक्षकलाई हार्दिक बधाई व्यक्त गरेका छन्।