हङकङबाट दक्षिण कोरिया घुम्न गएकी एक महिलालाई ३ महिनाको जेल

न्युज डेस्क / एचकेनेपाल डट कम –
हङकङ, २५ सेप्टेम्बर। विदेश यात्रामा जाँदा सावधान! हङकङकी ६७ वर्षीया एक महिलाको दक्षिण कोरियाको जेजु द्वीपको यात्रा अप्रत्याशित रूपमा लम्बिएर तीन महिनाको कष्टकर अनुभवमा परिणत भएको छ।

यो घटनाले विदेश यात्रामा जाने पर्यटकहरूलाई स्थानीय कानून र संस्कृतिप्रति सचेत रहन याद दिलाएको छ।

एचकेअनसीसीका अनुसार, लिउ ताई नाम गरेकी ती महिला जुलाई ७ मा जेजु द्वीपको यात्रामा निस्किएकी थिइन्। उनको योजना जुलाई ९ मा हङकङ फर्कने थियो। तर स्थानीय स्टिमिङ स्क्रिनको उत्सुकताले गर्दा उनले मोबाइल फोनबाट केही तस्बिरहरू खिचिन्, जसले उनलाई कानूनी जटिलतामा फसायो।

स्थानीय प्रहरीले लिउको फोन जाँच गर्दा महिलाहरूको क्षेत्रमा खिचिएका तीन-चार जना पाहुनाहरूको तस्बिर फेला पारेपछि उनलाई तत्काल गिरफ्तार गरियो। यसपछि उनको पासपोर्ट जफत गरियो र उनलाई देश छोड्न प्रतिबन्ध लगाइयो।

लिउका पति अहिले चिन्तित छन् र उनकी श्रीमतीलाई चाँडो हङकङ फर्काउन चाहन्छन्। यस बीचमा, चीनको जेजुस्थित महावाणिज्य दूतावास र हङकङ आप्रवासन विभागले यस मामिलामा सहयोग गर्न सक्रिय रूपमा अनुगमन गरिरहेको पुष्टि गरेको छ।

केही स्थानीय संगठनहरूले लिउलाई सहयोग गर्न १५०,००० हङकङ डलर बराबरको “समन्वय शुल्क” को माग गरेका छन्। यो रकम मोलमोलाई पछि ९०,००० हङकङ डलरमा घटाइयो। तर यो शुल्कले लिउ चाडै रिहा होलिन् भन्ने ग्यारेण्टी नभएको बताईन्छ। लिउका पतिले यसलाई ठगी भएको आशंका गरेका छन्।

यो घटनाले विदेश यात्रा गर्दा स्थानीय कानून र संस्कृतिको सम्मान गर्नुपर्ने महत्त्व उजागर गरेको छ। यात्रुहरूले आफ्नो उत्सुकता र फोटो खिच्ने इच्छालाई नियन्त्रण गर्नुपर्ने र स्थानीय नियमहरूको पालना गर्नुपर्ने आवश्यकता यसले देखाएको छ।