पोखरा भ्रमण वर्ष २०२५ को उद्घाटन समारोहमा बेलुन पड्किएर आगो लाग्दा उपप्रधान तथा अर्थमन्त्री विष्णु पौडेल र पोखरा महानगरपालिकाका मेयर धनराज आचार्य घाइते भएका छन्।
उद्घाटन समारोहमा हाइड्रोजन ग्यास भरिएको बेलुन उडाउने क्रममा अचानक बेलुन पड्किएर आगो लाग्दा दुवै नेता घाइते भएका हुन्। घटनापछि तत्काल दुवै नेतालाई गण्डकी अस्पतालमा र पछि थप उपचारका लागि काठमाडौं लगिएको छ।
दुवै नेताको कीर्तिपुरस्थित बर्न अस्पतालको सघन उपचार कक्षमा उपचार भइरहेको छ।
अस्पतालका निर्देशक डा. किरण किशोर नकर्मीले दुवैको ५-६ प्रतिशत शरीर जलेको जानकारी दिएका छन्। अनुहारमा जलन भएकोले श्वासनली र फोक्सोमा असर पर्न सक्ने सम्भावना रहेकोले उच्च निगरानीमा उपचार गर्नुपर्ने आवश्यकता देखिएको जनाईएको छ।
