मोरङ, २२ मंसिर। श्रीमतीले अर्कोसित बिहे गरेको तनावमा मोरङ, बेलबारीका एक व्यक्तिले आफ्ना दुई नावालक छोराछोरीको हत्या गरी आत्महत्या गरेका छन्।
बेलबारी २ का तारजुन राईले आइतबार बिहान ५ वर्षीय छोरी दिपिकाको हत्या गरी आत्महत्या गरेको प्रहरी नायब उपरीक्षक प्रभुप्रसाद ढकालले बताए। बिहान ५ बजे घरभन्दा केही पर लोहन्द्रा खोलाको बगरमा रहेको कटेजनजिक प्लाष्टिकको पासो बनाएर पहिले छोराछोरीलाई झन्ड्याएको पाइएको र त्यसपछि उनले झुन्डिएर आत्महत्या गरेका प्रहरीले जनाएको छ। बालबालिकाकी हजुरआमाले नदेखेपछि खोजी गर्दा तीनै जना झुन्डिएको अवस्थामा फेला परेको समाचार कान्तिपुर दैनिकमा छापिएको छ।
