हङकङमा छायांकन भएको अन्नप्रशानको म्युजिक भिडियो सार्वजनिक

अन्जु पन्त र राजन राज शिवाकोटीको स्वर रहेको गीत शुभ अन्नप्राशन (भात खुवाई) को म्युजिक भिडियो सार्वजनिक भएको छ।

आज तिमीलाई अन्न खुवाउने यो शुभ दिन, हामी धेरै खुसी छौ तिमीलाई पाए देखिन…म्युजिक भिडियोमा कृष्ण गुरुङकाे शब्द, राजनराज शिवाकोटीको संगीत, नरेन्द्र वियाेगिकाे एरेन्ज, राजेश श्रेष्ठकाे रेकर्डिङ र एवान म्युजिकल स्टुडियो काठमाडौं रहेको छ।  

गीतमा नेपाली चलन अनुसार नवशिशु ६ महिना पुगेपछि अन्न खुवाउने चलन रहेकाे परिवेशलाई भिडियोमा देखाएको छ। भिडियोमा श्रीशान ढकाल (बालक) रेनु ढकाल र जगन्नाथ ढकालको अभिनय रहेको छ। 

हङकङमा तयार गरिएको यस भिडियोकाे निर्देशन, सम्पादन, परिकल्पना पनि कुष्ण गुरुङकै रहेको छ भने भिडियो छायांकन श्री गुरुङ र झलक गुरुङकाे रहेको छ।