काठमाडाैं, १२ माघ। विश्व क्रिकेट लिग डिभिजन २ मा चौथो स्थानमा सीमित भएपनि नेपाली राष्ट्रिय टोलीले डिभिजन १ को प्रतियोगिता खेल्न पाउने भएको छ।
सँगसँगै चार वर्षपछि हुने एकदिवसिय विश्वकप क्रिकेट छनोट पनि खेल्नेछ। नामिवियामा शनिबार सम्पन्न डिभिजन २ मा नेपाल चौथो हुँदै हैसियत जोगाउन सफल भएको हो।
६ टोलीको सहभागिता रहेको प्रतियोगिताका शीर्ष २ टोली डिभिजन १ मा बढुवा हुने, तेस्रो र चौथो टोली डिभिजन २ मा यथाबत रहने र पुछारका २ टोली रेलिगेसनमा पर्ने प्रावधान थियो। आइसीसीले भने तेस्रो भएको केन्या र चौथो भएको नेपाललाई पनि डिभिजन १ को हैसियतको विश्व क्रिकेट खेल्न मौका दिने तयारी गरिरहेको समाचार आजको नागरिक दैनिकमा छापिएको छ।
फाइल तस्वीरः रमण सिवाकोटी / क्यान
