नेपाली सेना पश्चिम पृतनालाई प्रथम एलजी कप सेभेन ए साइडको उपाधि

फोटोः उमेश पुन

केशव पाठक / एचकेनेपाल डट कम –
पोखरा, १५ पुष । ‘युवाको सकारत्मक प्रयोग र उपयोगको’ नारा सहित सामाजिक कृयाकलापमा आवद्ध लाली गुराँस एशोशियसन पोखराले आयोजना गरेको प्रथमसेभेन ए साइड फुटबल प्रतियोगितामा काजी पोखरीलाई टाई व्रेकरमा ३–२ ले पराजित गर्दै नेपाली सेना पश्चिम पृतनाले उपाधि जितेको हो। उपाधिसंगै नेपाली सेनाले नगद १ लाख २५ हजार ५ सय ५५,रनिङ शिल्ड, मेडल, ट्रफी र प्रमाणपत्र हात पार्न सफल भयो।

आज अमरसिंह मैदानमासम्पन्न भएको फाईनल खेलमा काजी पोखरीले खेलको १६औं मिनेटमा अग्रता लिए पनि सेनाले पहिलो हाफको इन्जूरी समयमा गोल फर्काउदै खेल बराबरी ल्यायो । दोस्रो हाफमा दुुवै टोलीबाट गोल हुन सकेन र खेल टाई ब्रेकरमा गएको थियो । टाई ब्रेकरमा काजी पोखरीका खेलाडीले सुरुवाती पेनाल्टी नै खेरा फाले पछि नेपाली सेना पश्चिम पृतनालेकाजी पोखरीलाई टाई व्रेकरमा ३–२ ले पराजित गरेको हो।

….
[wds id=”2″]
….
प्रतियोगिताको उपबिजेता बन्दै काजी पोखरीले नगद ७५ हजार५ सय ५५, मेडल, ट्रफी र प्रमाणपत्र हात पार्न सफल भयो । प्रतियोगिताको उत्कृष्ट खेलाडी सेनाका खेलाडी सन्तोष गुरुङ्ग घोषित भए भने सार्बाधिक गोलकर्ता तारा एफ सिका सामसुङ्ग भए । त्यस्तै अनुशासित टीम अक्सिजन लेकसाईडले हात पा¥यो । प्रतियोगिताको उत्कृष्ट मिडफिल्डर काजी पोखरीका किरण दुरा भए । उत्कृष्ट फवाडर्मा एलजीएशोशियसनका अजित गुरुङ्गले हात पार्याे।

प्रतियोगिताका बिजेता र उपबिजेता टीम र खेलाडीहरुलाई पश्चिम पृतनाका उपरथि जगदिश चन्द्र पोख्रेल, खम गुरुङ्ग,भरत के सी, ओम बस्नेत, लाली गुराँस एशोशियसनका अध्यक्ष डम्बर जंग गुरुङलगायतले पुरस्कार वितरण गरेका थिए।