ट्रम्पको नयाँ नीतिले कागजविहीन नेपाली पनि प्रभावित, यसरी गरिदै छ देशनिकाला…

न्यूयोर्क, १२ फागुन । अमेरिकी राष्ट्रपति डोनाल्ड ट्रम्पको कागजविहीन आप्रवासीलाई देश निकाला गर्ने नयाँ नीति सार्वजनिक भएको छ । नीतिमा राजनीतिक शरण खोज्ने आप्रवासी प्रवाहलाई समेत निरुत्साहित गर्ने उल्लेख छ।

पहिल्लो केही दशकयताकै यो सबैभन्दा कडा आप्रवासी नीति हो । अमेरिकामा झन्डै एक करोड २० लाख भन्दा बढी आप्रवासी अवैधानिक रुपमा बसोबास गर्दै आइरहेका बताइन्छ।

नीतिअनुसार संघीय सरकारले कागजविहीन आप्रवासीलाई पक्राउ गर्ने र देशनिकाला गर्ने अभियान द्रुत रुपमा बढाउनेछ । र त्यसका लागि १० हजार ‘फोर्स’ थपिने छ । अपराधमा संलग्न भएकाहरुलाई प्राथमिकता सूचीमा राखिएपनि ट्रम्प प्रसाशनको आक्रामक नीतिले अवैधानिक रुपमा रहेको जो कोहीलाई खतरा रहेको आप्रवासी कानुनका जानकारहरु बताउँछन्।

यो नीतिले अमेरिकामा बिनाभिसा रहँदै आएका नेपालीहरु पनि प्रभावित हुनेछन् । हवाई, जल र स्थलमार्ग हुँदै अवैध रुपमा अमेरिका छिरेकाहरु यसबाट सबभन्दा बढी प्रभावित हुनेछन् । कान्तिपुर दैनिकमा खबर छ।





Comments

comments

Trending Now : ओलीको अभिव्यक्तिपछि दाहालसँग दूरी, पुराना सहमति कार्यान्वयनमा ओलीको वेवास्ता
16395