चाइनिज न्यु इयरपछि हङकङका सबै बिद्यालयहरु खुल्ने…

न्युज डेस्क / एचकेनेपाल डट कम –

हङकङ, ३ फेब्रुवरी। शिक्षा ब्यूरोले चाइनिज नयाँ वर्षको छुट्टीपछि हङकङका सबै बालगृह, प्राथमिक र माध्यमिक विद्यालयहरू खुल्ने घोषणा गरेको छ।

ब्यूरोले महामारीको पछिल्लो विकास, स्वास्थ्य विशेषज्ञहरूको राय र स्कूलको तत्परतालाई ध्यानमा राख्दै सबै किन्डरगार्टेन, प्राथमिक र माध्यमिक विद्यालयहरू (विशेष विद्यालयहरू र गैरस्थानीय पाठ्यक्रमहरू प्रदान गर्ने स्कूलहरूसहित) र निजी विद्यालयहरू सञ्चालन गर्ने निर्णय गरेको जनाएको छ।

विद्यार्थीहरूलाई नयाँ वर्षको छुट्टीपछि स्कूलमा फर्कने व्यवस्था मिलाइने र स्कूलमा विद्यार्थीहरूको कुल संख्याको एक तिहाइ भन्दा बढि नहुने गरी आधा दिनको लागि सीमित गरिने ब्यूरोले छ।

ब्यूरोले स्वास्थ्य विशेषज्ञहरुको रायका आधारमा भाइरस सर्ने जोखिम कम गर्न र विद्यार्थीहरुलाई अध्ययनको लागि सुरक्षित वातावरण सृजना गर्न नियमित भाइरस परीक्षण सञ्चालन गरिने जनाएको छ। स्कूल शुरु हुनु दुई हप्ताअघि सम्पूर्ण स्कूलको स्टाफले भाइरस परीक्षण पूरा गरिसक्नु पर्ने जनाएको छ।