हङकङमा थपिए नयाँ १६४ संक्रमित, फेस टु फेस कक्षा फेब्रुअरी २१ सम्म बन्द, फेब्रुअरी १७ तारिखसम्म ठूलो मात्रामा भीडभाड र जमघट गर्न पनि नपाउंने ..

न्युज डेस्क / एचकेनेपाल डट कम –

हङकङ, २७ जनवरी । सेन्टर फर हेल्थ प्रोटेक्शनले विहीवार कोभिड-१९ को नयाँ १६४ केसहरुको अनुसन्धान गरिरहेको जनाएको छ। यो महामारी पछिकै सर्वाधिक उच्च सङ्ख्या हो।

कुल १६४ संक्रमितमध्ये ४७ आयातित र बाँकी ११७ स्थानीयसंग सम्बन्धित रहेका छन्। ७ केसको संक्रमणको स्रोत खुलेको छैन।

आज पनि करिब १०० प्रारम्भिक केसहरू रेकर्ड भएका छन्।

धेरै जसो केसहरू ओमिक्रोन भेरियन्टसँग सम्बन्धित रहेका छन् भने तीन देखि चार केसहरू मात्र डेल्टा भेरियन्टसंग सम्बन्धित रहेको स्वास्थ्य अधिकारीले बताएका छन्।

फेस टु फेस कक्षा फेब्रुअरी २१ सम्म बन्द

हङकङकी कार्यकारी प्रमुख क्यारी लामले बिहीबार एक पत्रकार सम्मेलनमा बोल्दै सबै विद्यालयको आमने-सामने (फेस टु फेस) कक्षाको निलम्बन फेब्रुअरी २१ सम्म लम्बाइने बताएकी छन्। अर्को महिनाको १७ तारिखसम्म दुई हप्ताको लागि ठूलो मात्रामा भीडभाड र जमघट गर्न पनि नपाउंने जनाइएको छ।

त्यस्तै, सरकारले फेब्रुअरी २४ देखि “भ्याक्सिन बबल” लाई धेरैजसो इनडोर स्थानहरूमा विस्तार गर्ने जनाइएको छ। खोप लगाएकोले मात्र “भ्याक्सिन पास” लिएर ती स्थानहरूमा प्रवेश गर्न पाउंने छन्।

यसैबीच, क्यारी लामले हङकङ आउने यात्रुहरूका लागि २१ दिनको क्वारेन्टिन समयलाई ५ फेब्रुअरीबाट १४ दिनमा घटाउने बताएकी छन्। यद्यपि, तिनीहरूले आगामी ७ दिनसम्म मेडिकल निगरानीमा बस्नु पर्ने बताएकी छन्।

लकडाउन र परीक्षण

Block C , New Kwai Fong Gardens, 12-20 Kwai Yi Road, Kwai Fong.