रोशन मेवाहाङ / एचकेनेपाल डट कम-
लण्डन, फाल्गुन १६ । बेलायत पत्रकार महासंघको अध्यक्षमा नरेश खपाङ्गी निर्विरोध निर्वाचित भएका छन्।

बेलायत शाखा अध्यक्षमा पत्रकार जानुका राई र विमला सेनेले उम्मेदवारी फिर्ता लिएपछि खपांगीमगर निर्विरोध निर्वाचित भएका हुन्।

यसअघि पत्रकार राई, सेने र खपाङ्गीको उम्मेदवारी परेको थियो। राई र सेनेले पछि संघको एकताका लागि भन्दै आफ्नो उम्मेदवारी फिर्ता लिएका थिए।

नेपाल पत्रकार महासंघ बेलायत शाखाको तेस्रो अधिवेसनको लागि आइतबार बिहान ११ बजे उम्मेदवारीको घोषणा गरेका छन्।

ब्लु अर्किड रेष्टुरेन्टमा उम्मेदवारी दर्ता प्रक्रिया शुरु गरिएको थियो। निर्वाचन समिति संयोजक लण्डनबाट प्रसारण हुने नेपाली टेलिभिजनका प्रबन्धक विजय थापा, बिबिसी नेपाली सेवाका संवाददाता भगीरथ योगी र बेलायत पत्रकार महासंघ शाखाका पूर्व अध्यक्ष तथा निबर्तमान सल्लाहकार नवीन पोखरेल, कृष्ण भट्ट , सुरेशजंग शाह एवं कानुनी सल्लाहकार राजु थापा रहेका छन्।

नेपाल पत्रकार महासंघ महासचिव उजिग मगर सहभागी रहेको कार्यक्रममा वरिष्ठ उपाध्यक्षमा धर्मराज अधिकारी र श्याम लुईंटेल, उपाध्यक्षमा मिलन शर्मा र ध्रुवराज अर्याल, महासचिवमा लिलामान शेरपुन्जा र नारायण पौडेल गाउंले बिच बेलुकी ६ बजे सम्मपनि सर्वसम्मत हुन नसके पछि निर्वाचन हुने भएको छ।

निर्वाचन समितिले जनाएअनुसार कोषाध्यक्षमा पूर्ण गुरुङ, सहकोषाध्यक्ष रोशन राई, सचिब शिव भण्डारी र सदस्यहरुमा नरेन्द्र बस्नेत, सुजन पराजुली,भावना परिष्कृत र नृपेश उप्रेतीको मात्र उम्मेदवारी परेकाले उनीहरु पनि निर्विरोध भएका छन्।

शाखाको अधिवेशन आगामी ६ मार्च आइतबार हुन लागेको निर्वाचनका लागि केन्द्रिय अध्यक्ष डा. महेन्द्र विष्ट, उपाध्यक्ष अनिता विन्दु, कोषाध्यक्ष सूर्यमणि गौतम, सञ्चार मन्त्रीका सल्लाहकार मात्रिका पौडेलसमेत सहभागी हुने जानकारी प्राप्त भएको छ।



.















Comments

comments